وەزارەتا چاندنێ: 30 ملیار دینار بۆ کەرتێ چاندنێ دێ ھێنە مەزاختن
ئەڤرۆ نيوز:
پەیڤدارێ وەزارەتا چاندن و ژێدەرێن ئاڤێ یا حوکمەتا ھەرێما کوردستانێ ئاشکرا کر کو بۆ ڤەژاندنا کەرتێ چاندنێ و دەستپێکرنا پرۆژێن ھاتینە راگرتن و ئەنجامدانا پرۆژێن نوو ل پارێزگەھێن ھەرێما کوردستانێ، حوکمەتا ھەرێمێ 30 ملیۆن دینار تەرخانکرینە و نوکە دەست ب مەزاختنا وان ھاتیەکرن.
حاجی ماجد، پەیڤدارێ وەزارەتا چاندن و ژێدەرێن ئاڤێ یا حوکمەتا ھەرێما کوردستانێ دیار کر کو پشتی باشبوونا رەوشا ئابووری و ڤەژاندنا کەرتێ چاندنێ ئەوان ب رێیا ھەموو پارێزگەھان لیست بۆ ئەنجامدانا پرۆژێن نوو و دەستپێکرنا پرۆژێن کەڤن یێن کو ژ بەر قەیرانا دارایی ھاتینە راگرتن ئامادەکرینە و رەوانەی جڤاتا وەزیران کرینە و وان ژی رازەمەندیا خوە ل سەر دیار کریە و 30 ملیار دینار بۆ کەرتێ چاندنێ تەرخانکرینە و بۆ مالپەرێ فەرمی یێ پارتی دیموکراتی کوردستان گۆت: “نوکە دەست ب مەزاختنا ڤی پارەی ھاتیەکرن”.
