به‌رشه‌لۆنا دووڤچوونا ھێرشبەرێ روما دکەت
ئەڤرۆ:
یانا بەرشەلونە یا ئسپانی یا بەردەوامە ل سەر بزاڤێن ژبو ئیمزاکرنا ھەڤبەستا ھێرشبەرەکی پشتی یاریزانێ وێ لویس سوارێز ژیێ 30 سالیێ دەربازکری.
روژناما موندو دیبورتیڤو یا ئسپانی ئاشکرا کریە کو یانا بەرشەلونە شیرەتکارێ خوە یێ وەرزشی ئاریدو بریدا راسپاردیە ژبو دویڤچونا یاریزانێ تورکی یێ نێڤدەولەتی جنگیز ئوندیر ھێرشبەرێ یانا روما یا ئیتالی و ل یاریا یانا روما و فیورنتیا یێ بەرھەڤبوو کو دڤێ یاریێ دا و ل خولەکا 74 ئەڤ یاریزانی ھاتە گوھارتن.
زێدەتر ڤێ روژنامێ ئاماژەکریە کو یانا بەرشەلونە ل سەر ئارمانجا خوە و بو ب دەستڤە برنا ڤی یاریزانی دێ کەڤیتە د ھەڤرکیێ دا ل گەل ھەردو یانێن ئەرسینال و توتنھام یێن ئنگلیزی تایبەت یانا دویێ ئەوا بەرھەڤیا خوە دیارکری کوژمێ 59 ملیون جونەیھێن ئسترلینی ھەمبەر وەرگرتنا ئیمزا یاریزانێ تورکی بدەت.
ل دووماھیێ ئەو چەندە ژی دایە دیارکرن کو ماوەکە یانا بەرشەلونە چاڤدێریا چەند ھێرشبەران دکەت ژ وانا ھاری کین یێ توتنھام و ماورو ئیکاردی یێ ئەنتەر میلان و تیمو ڤیرنر یێ لایبزیک و کریستوف بیاتیک یێ جنوا و چەند ھێرشبەرێن دی ژی.