کچێن فوتسالێ ھاتنە لێبورین
ئەڤرۆ، قەیس وەیس:
ھەر چار کچێن یانا زێرەڤانی زینە جەمیل، رێژین حەجی ، ڤەمان حەجی و ئەلیدیا نەوزاد ھاتنە لێبورین ژلایێ ئێکەتیا تەپا پێ یا پارێزگەھا دھۆکێ پشتی داخوازا لێبورینێ کری کو ژبەر چەند ئەگەرێن تایبەت نەشیابون پشکداریێ دگەل ھەلبژارتیێ پارێزگەھا دھۆکێ د قارەمانیا پارێزگەھێن کوردستانێ ل ھاڤینا بوری بکەن و ھاتبوونە سزادان ژلایێ ئێکەتیا تەپا پێ یا کوردستانێ .
ل دور ڤی بابەتی فەرزاد محەمەد جێگرێ سەروکێ ئێکەتیا تەپا پێ یا پارێزگەھا دھۆکێ دداخویانیەکا تایبەت دا بو روژناما ئەڤرۆ گوت: پشتی ڤان یاریزانان داخوازا لێبورینێ کرین کو بھێنە لێبورین ژلایێ ئێکەتیا تەپا پێ یا پارێزگەھا دھۆکێ ڤە ژبەرکو پشکدار نەببون د قارەمانیا پارێزگەھان دا مە ب ڤەر دیت کومبونەکێ بکەین و بریار ھاتە دان ژبەر بەرژەوەندیا وەرزشا پارێزگەھێ تایبەت یاریا فوتسالێ ل ڤان یاریزان ببورین پشتی دوباتکری ئەف کریارە دوبارە نەبن و ھوشداریا دوماھیێ بو ھاتیە دان.
دیسان گوت: ب فەرمی دێ داخواز ژ ئێکەتیا تەپا پێ یا کوردستانێ کەین بریارا سزایا ڤان یاریزانان ھەلوەشینن دا بشێن پشکداریێ د ھەمی چالاکیێن سەر ب ئێکەتیا تەپا پێ یا کوردستانێ پشکداریێ بکەن.
