رۆژئاڤایێ كوردستانێ د بیرهاتنهكا ههرێمێ دا
رهمهزان نهسرهددین كێڤلی
سهرۆكێ كۆمهلا ئهكادیمیێن زانستێن سیاسی دهۆك گۆمان تێدا نینه كو شۆرهشا گهلێ سووریێ دهسپێكهك بوو ژبۆ قووناغهكا مهزنا گوهۆرینێ ل تهڤایا دهڤهرێ و گرنكیا ئهڤێ شۆرهشێ بۆ مللهتێ كوردێ بێ ناسنامه ل رۆژئاڤا دهلیڤهكا زۆرا مهزن بوو كو كورد ب ئێكگرتنهك نهتهوهبێ دژی رژێما سووریێ ههر چ نهبیت ب مافێن خو ه یێن دهسپێكی شاد بیت، بهلێ دیاره دورستبوونا گرۆپێن چهكداری ب ناڤێن جودا جودا رۆژ بۆ رۆژێ هێڤیێن مللهتێ كورد ل رۆژئاڤا بنئاخكرن، نهخاسمه پشتی كو پشكهك ژ كوردان چووینه د بهرهیێ رژێمێ دا و ههر زوی دهنگێن ئازاد ژناڤبرن، نهخاسمه پشتی كوشتن و گرتنا ب دههان گهنجێن كوردان ژلایێ كوردان بخوهڤه ئهها ل وی دهمی نێچیرڤان بارزانی داخواز ژ دهستههلادارێن رۆژئاڤا كر كو خوه ژ ئایدولۆژیهتا توندا پهكهكێ دووربێخن و چ بههانهیا بۆ وهلاتێ توركیا نههێلن كو مایتێكرنێ د كاروبارێن وان دا بكهت، لێ ب مخابنى ڤه، نه پهكهكێ و نهژی ئهو گرۆپێن ل رۆژئاڤا نهشیاین خوه قورتال بكن ژ ڤێ ئایدولۆژیهتێ و ئهڤ چهنده بوو هۆكارێ ژ دهستدانا عهفرین و نوكه ژی گهف و مهترسی ل سهر كۆبانێ ههنه و ژبلی وێ ب سهدان گهنجێن كورد هاتن شههیدكرن ژ ئهنجامێ سیاسهتهكا خراب ل رۆژئاڤا. ئهڤرۆ ژی درهنگ نینه دهستههلاتدارێن رۆژئاڤا پێداچوونا سیاسهتا خوه بكن و ئهوان راوێژ و بۆچوونێن بارزانی ل پێشچاڤ وهربگرن چونكو ژ داخۆیانیێن پتریا بهرپرسێن وان دیاره رهوشا رۆژئاڤا ئالۆز دبیت و داخوازا كۆنكریگرێ نهتهوهیێ دكن. ل گۆر دیتنا من باشترین دهلیڤهیه بۆ تهڤایا هێزێن كوردی ل گۆر ئێك ستراتیژیهت كۆم ڤهببن و ئێدی بهرژوهندیا بلندا خهلكێ كوردستانێ ل ههر چار پارچان ل پێشچاڤ وهربگرن و پێدڤی یه ل سهر سیاسهتمهدارێن كورد خواندنا و شرۆڤهیهكا دورست بۆ وان گوهۆرینان بكن یێن ل رۆژههلاتا ناڤهراست دورست ببن و وان ههمی پرۆژان بخوینن یێن ل دهڤهرێ ههین و خالێن هێزێ و لاوازیا خوه دهستنیشان بكن بۆ هندێ ئهزموونا كوردان نهكهڤیت ل بن مهزنترین و ل ڤێره ئهڤ بیرهاتنا بارزانی ب دیتنا من خواندنهك لۆژیكی بوویه و دێ جهێ مفایی بیت.
