د ڤێ حه‌ڤتیێ دا ئه‌نجامێن یانێن کوردی ل تورکیا نه ل ئاستێ پێدڤی بوون
ئه‌ڤرۆ نیوز، هه‌ژار مه‌عروف:
ھەر پێنچ نوونەرێن باکورێ کوردستانێ دخۆلێن پلا سێ و دو یا تورکیا دا ھەتا رادەیەکی ئەنجامێن ئەوان نە ل ئاستێ پێدڤی بوون کو دخۆلا پلا دو دا یانا ئامەد سپور ژ دەرڤەری یاریگەھا خوە وەکھەڤبوو ل گەل یانا ئەنقەرە دەمیر سپور بێ گول کو ئامەد سپور خالێن خوە گەھاندنە ١٥ خالان ژ ١٢ یاریان کو چار سەرکەفتن تومارکرینە ل گەل سێ وەکھەڤیا و پێنچ خوسارەتیا .
ژلایەکێ دووڤە د یاریێن گەرا ١٢ ژ قوناغا ئێکێ ژ خۆلا پلا سێ یا تورکیا یا تەپا پێ کو چار یانێن کوردی د پشکدارن کو د یاریێن کوما ئێکێ دا باتمان پەترول سپور شیا پاشکەڤتنا خوە بکەتە سەرکەفتنەکا گرنگ پشتی ب سەرکەفتی ل سەر یانا کورفیز ب دو گولان بەرامبەر گولەکێ و خالێن خوە گەھاندنە ١٥ خالان ل رێزا ١٠ دھێت و د یاریێن کوما دوێ دا ئێک یانە پشکدارە ئەوژی یانا وان سپور کو ل وەرزێ ئەڤ سالە د رەوشەکا باش دا بوریت دەلیڤەکا باش ژ دەستێن خوە دا پشتی د یاریا خوە یا ڤێ گەرێ دا توشی خوسارەتیێ بووی ل سەر دەستێ چاتالچا خوسارەت بووی ب دو گولان بەرامبەر گولەکێ ھەکە دڤێ یاریێ دا یانا وان سەرکەفتن تومارکر با دا سەرێ لیستا ڤێ کومێ وەرگریت، کو یانا وان سپور ١٢ یاریێن خوە ل وەرزێ ئەڤ سالە ٢٠ خال کومکرینە و د یاریێن کوما سێ دا دو یانە پشکدارن ئەوژی یانێن دیاربەکر سپور و جەزیرە سپور کو یانا دیاربەکر ئێک ژ بەربژاریێن ب ھێزە بوو دەربازبوونێ بۆ خۆلا پلا دو د یاریا خوە یا ڤێ گەرێ دا شیا سەرکەفتنێ ل سەر یانا چوروم سپور توماربکەت ب ب گولەکێ بێ بەرامبەر و خالێن خوە گەھاندنە ٢٢ خالان رێزا دوێ پاراست ، ژلایەکێ دویڤە یانا جزیرە سپور بەردەوامی دا ئەنجامێن خوە یێن لاواز ل وەرزێ ئەڤ سالە پشتی توشی خوسارەتیا خوە چارێ بووی ل وەرزێ ئەڤ سالە ئەڤ جارە ل سەر دەستێ یانا تورگولو سپور ب دو گولان بێ بەرامبەر و خالێن وێ ھەر مان ١٠ خال ل رێزا ١٨ دھێت .