بلان به‌ره‌ڤانه‌کێ ریال مه‌درید هه‌ژی ته‌پا زێری دبینت
ئه‌ڤرۆ نیوز،هه‌ژار:
به‌ره‌ڤانێ هه‌لبژارتیێ فره‌نسا یێ به‌ری نوکه ئه‌وێ شیای ل موندیالا ١٩٩٨ ل گه‌ل هه‌لبژارتیێ وه‌لاتێ خوه ب ده‌ستخوڤه توماربکه‌ت و راهێنه‌رێ به‌ری نوکه یێ یانا پاریس سانجێرمان لوران بلان د داخویانیه‌کێ دا بۆ روژناما لکیب یا فره‌نسی دیارکر ده‌نگێ من بتنێ بۆ به‌ره‌ڤانێ هه‌لبژارتیێ فره‌نسا و یانا ریال مه‌درید ڤارانی یه ژبه‌رکو ئه‌و هه‌ژی وه‌رگرتنا ته‌پا زێری یه کو دبینت نوکه ئێک ژ باشترین به‌ره‌ڤانێن جیهانێ یه کو د ماوێ هه‌شت سالێن بوری دا شیا چه‌ندین ده‌ستکه‌ڤتیا ب ده‌ستخوڤه توماربکه‌ت کو چار جاران چامپیونیز لیگا ئورۆپا و هه‌ردیسان برنا موندیالا ٢٠١٨ و دبینت ده‌لیڤه‌یا برنا ناسناڤان هێشتا هه‌یه ژبه‌رکو ژیێ وی نوکه ٢٥ سالی دا.
لوران ئه‌و چه‌نده ژی دیارکر ئه‌و ئاستێ هونه‌ری یێ ڤاران ژ ئاستێ خوه باشتره دییتت و ده‌ستخوشی ل وی دکه‌ت و هه‌ردیسان شانازی ب ئاستێ هونه‌ری یێ ڤاران دبیت و ده‌ستخوشی ل دکه‌ت بۆ ئه‌وا ل ماوێ بوری شیایی ل گه‌ل هه‌لبژارتیێ فره‌نسا و یانا خوه پێشکێشکری.
راڤائێل ڤاران ل سالا ١٩٩٣ ژ دایکبوویه و هه‌تا نوکه ٥٠ یاریێن نیڤده‌ولی ل گه‌ل هه‌لبژارتیێ فره‌نسا ئه‌نجام داینه و د ژیێ ٢٥ سالی دا شیا ١٦ ناسناڤان ب ده‌ستخوڤه توماربکه‌ت کو ١٥ ژ ئه‌وان ل گه‌ل ریال مه‌درید بوون کو ٤ چامپیونیز لیگ و ٣ سوپه‌ر ئوروپا و دو ناسناڤێن خۆلا لالیگا و دو سوپه‌ر ئیسپانیا و ئێک ناسناڤێ کاسا شاهێ ئیسپانیا و ل گه‌ل برنا ٣ قاره‌مانیێن موندیالا یانان و هه‌ردیسان ل گه‌ل هه‌لبژارتیێ خوه شیا ناسناڤێ موندیالا جیهانی یا ٢٠١٨ب ده‌ستخوڤه به‌ت.
