میلان حەزا ب دەستڤەبرنا وی یا ھەيی
ئه‌ڤرۆ نيوز:
یانا میلان یا ئیتالی حەزا ئیمزاکرنا ھەڤبەستا ستێرا ھێلا ناڤینا یانا چێلسی یا ئنگلیزی یا ھەی ل دویڤ راپورتەکا مالپەرێ کالتشیو میرکاتو یێ ئیتالی یێ تایبەت ب ڤەگوھاستنێن یاریزانان.
ئەڤ حەزا یانا ئیتالی ھاتیە پێش پشتی ب ھەلویستێ سیسک فابریگاسێ 31 ئاگەھداربوین کو جھێ خوە ل ناڤا پێکھاتیێ سەرەکی یێ راھێنەرێ بەرنیاس ماوریسیو ساری ژ دەست دای و زێدەتر ئەڤ راھێنەرە پشتبەستنێ ل سەر ھەرسێ یاریزانان جورجینیو و نجولو کانتی و ماتیو کوفاسیتیش ل ھێلا ناڤین.
ھەڤبەستا ڤی یاریزانی و ستێرا بەرێ یا بەرشەلونە ل دووماھیا ڤی وەرزی دێ ب دووماھی ھێت و پێشبینیا وێ چەندێ دھێتە کرن کو سیسک ل مێرکاتویا زڤستانێ ب کوژمەکێ کێمتر یێ بھایێ وی یێ بازارێ یاریزانا بھێتە ڤەگوھاستن و ل دویڤ ژێدەرێن نێزیک یانا ئنگلیزی راھێنەرێ وی ژی نابیتە رێگر ل ھەمبەر چونا وی.
بزاڤێن یانا میلان ژبو وێ چەندێ نەکێمسیا یاریزانا ل ناڤا پێکھاتیێ خوە تمام بکەت پشتی ل ڤێ دووماھیێ چەند یاریزانێن وان توشی ھنگافتنێ بوین.