رۆژا جیھانی یا چەسپاندنا مافێن زارۆیان ل دھۆکێ ناھێتە ساخکرن.
ئەڤرۆ نیوز، سالار دۆسکی:
رێڤەبەریا زارۆيان یا سەر ب رێڤەبەریا گشتی یا رەوشەنبیری و ھۆنەری ڤە، ئەڤرۆ 19ى چريا دويێ 2018 بۆ ئەڤرۆ نیۆز ئاشکرا کر کو سوباھی رۆژا جیھانی یا چەسپاندنا مافێن زارۆیانە و ئەو وەکو رێڤەبەری دێ دبێ دەنگ بن.
عائیشا شەوکەت رێڤەبەرا رێڤەبەریا زارۆیان سەر ب رێڤەبەریا گشتی یا رەوشەنبیری و ھۆنەری ڤە گۆت: “ساخنه‌کرنا ڤێ رۆژێ بۆ نەبوونا پێشینەیا رێڤەبەریێ دڤه‌گەيێت و نەبوونا چ ژێدەرێن دارایی کو ھاریکارین بۆ ئەنجامدانا پرۆژان”.
ئەو ژی ئاشکرا کر کو ھژمارەکا مەزن یا پرۆژه و بەرنامه و پلانێن باش بۆ ساخکرنا ڤێ رۆژێ و ەکو بزاڤ بۆ زارۆیان ل بەر دەست ھەنە، به‌لێ ژ نەبوونا پشتەڤانیێ نەشێت ئەنجام بدەت.
