دەمیرتاش ل دۆر بریارا دادگەها ئورۆپا داخۆیانیەکێ بەلاڤ دکەت
ئەڤرۆ نیۆز:
پشتی کو دادگەها بلندا مافێ مرۆڤان یا ئورۆپا بریار دایی کو دڤێت هەڤسەرۆکێ بەرێ یێ هەدەپێ بهێتە ئازادکرن، بەری دەمەکێ سەلاحەدین دەمیرتاش ل زیندانێ ب رێیا پارێزەرێن خوە داخۆیانیەک بەلاڤ کر و د داخۆیانیا خوە دا دەمیرتاش دیار دکەت کو بەری نها ژی من چەندین جاران گۆتبوو بریارا گرتنا من سیاسی یە و قانوونی نینە.
دەمیرتاش هەروەسا دیار دکەت کو بریارا دادگەها بلندا مافێ مرۆڤان ژی نیشا ددەت کو تشتێ هەتا نها ل دژی من و هەدەپێ هاتنە کرن بریارەکا سیاسی یا دەولەتێ بوویە و ئەز سوپاسیا پارێزەرێن خوە و دادگەها بلندا مافێ مرۆڤان یا ئورۆپا دکەم.