راگەهاندنا جیهانی ب گرنگی بەحسێ سەرەدانا سەرۆک بارزانی دکەن
ئەڤرۆ نیۆز:
فۆکس نیۆز د راپۆرتەکێ دا دیار دکەت کو سەرەدانا سەرۆک بارزانی بۆ بەغدا و ئەو پێشوازیا گەرم یا لێ هاتیە کرن نیشا ددەت کو بارزانی هێشتا رۆلەکێ سەرەکی د هەڤسەنگیێن سیاسی ل عیراقێ دگێریت، هەرچەندە نها ب فەرمی چو پۆست نینن لێ وەکو سەرۆکێ هەرێما کوردستانێ پێشوازی لێ هاتە کرن و ئەو یەک ژی نیشا ددەت کو بێی بارزانی ئاریشێن عیراقێ ب گشتی و یێن هەرێما کوردستانێ ب تایبەتی چارە نابن.
رۆژناما وۆل ستریت جۆرنال یا ئەمریکی ژی دیار دکەت کو سەرۆک وەزیرێن عیراقێ دخوازیت ب پشتەڤانیا بارزانی ئاریشێن عیراقێ و ئالۆزیێن هەولێر و بەغدایێ چارە بکەت و ژ بەر هندێ ژی ب گەرمی پێشوازی ل بارزانی کر و ئەمریکا ژی پشتەڤانیا خوە بۆ ڤان پێنگاڤێن گرنگ دیار کریە، چونکو ئەمریکی ژی دزانن بارزانی دشێت رۆلەکێ سەرەکی بۆ ئارامیێ ل عیراقێ بگێریت.
ل ئالیێ دی گەلەک رۆژنامێن تورکیا ژی بەحسێ سەرەدانا سەرۆک بارزانی بۆ بەغدا کرینە و دیار دکەن کو د هەلبژارتنێن عیراقێ و یێن هەرێما کوردستانێ پارتیا بارزانی یا ئێکێ بوو و ژ بەر هندێ ژی سەرکردێن عیراقێ دزانن بێی بارزانی نەشێن پرسێن ل گەل هەولێرێ چارە بکەن.