بریاره‌کا نه چاڤه‌رێکری ژلایێ یاریزانه‌کێ به‌رشه‌لونا
ئه‌ڤرۆ نیوز،هه‌ژار:
به‌ری یاریا ئه‌ڤ شه‌ڤه دناڤبه‌را به‌رشه‌لونا و ئایندهوڤن ژ قاره‌مانیا چامپیونیز لیگا ئوروپا دا یاریزانێ فره‌نسی و یانا به‌شه‌لونا ئیسپانی عوسمان دیمبلی بریاره‌کا نه چاڤه‌رێکری دا کو یانا خوه ئاگادارکریه ئه‌و داخوازیت پێکهاتیێ یانێ بجهـ بهێلت.
راپورتێن روژنامه‌ڤانی ل برێتانیا داینه دیارکرن دیمبلی ئیدارا به‌شه‌لونا ئاگادار کریه ده‌لیڤه‌یێ بده‌نێ ل ڤه‌گوهاستنێن زڤستانێ په‌یوه‌ندی ب یانه‌کا دی بکه‌ت ژبه‌رکو ده‌لیڤه‌یا کرنا یاری ل وێ یانێ بوو وی یا کێمه حه‌ز دکه‌ت به‌ر ب یانه‌کا دی بچیت ده‌لیڤه‌یا کرنا یاری بۆ پتر هه‌بیت.
روژناما ده‌یلی میروری یا برێتانی دیارکریه هه‌ردو یانێن ئه‌رسینال و لیڤه‌رپول به‌رهه‌ڤیا خوه دیارکریه هه‌ڤبه‌ستێ ل گه‌ل ڤی یاریزانی ئیمزا بکه‌ن تایبه‌ت یانا ئه‌رسینال کو یا بزاڤێن مه‌زن دکه‌ت بوو ده‌ستڤه ئینانا شیانێن ڤی یاریزانێ و ژلایه‌کێ دیڤه یورگن کلوپ راهێنه‌رێ یانا لیڤه‌رپول ئیدارا خوه ئاگادارکریه هه‌ڤبه‌ستێ ل گه‌ل دیمبلی ئیمزا بکه‌ن و وێ یانێ ژی کوژمێ ٨٠ ملیون پاون بوو ئاماده‌کرینه.
هه‌ژی گوتنێ یه ل هاڤینا سالا ٢٠١٧ به‌رشه‌لونا یاریزانێ فره‌نسی عوسمان دیمبلی کوژمێ ١٠٥ ملیون یورویا ژ بروسیا دورتموند ڤه‌گوهاست بوو ناڤ رێزێن خوه .
