کچەکێ مالا خوە کریە باخچێ گیانەوەران
ئەڤرۆ نیۆز، رەمەزان ھەرنی:
فریشتە نەجان مامۆستایەکا ھونەرێ یە، بەلێ ژبلی کارێ خوە یێ مامۆستاتیێ، خوە ب خودانکرنا گیانەوەرێن کیڤی و کەھی د ناڤ مال دا مژوول دکەت.
ئەو بۆ ئەڤرۆ نیوز دبێژیت: “گەلەک حەز ژ بخودانکرنا گیانەوەران دکەم، بەلێ مخابن خەلک چو گرنگیێ پێ نادەن، بەلکو دکوژن ژی”.
زێدەتر گۆت: “نوکە باشتر ژ دەمێ بۆری ھەتا رادەکی گرنگیێ ب گیانەوەران ددەن و بخودان ژی دکەن ب تایبەت وەکو سەی یان ژی پشکان”.
فریشتێ گۆتژی: “ل کوردستانێ ھندەک گیانەوەرێن کووڤی ژی دەما چارەسەر دکەم ئازاد دکەمەڤە بۆ ناڤ سروشتی”.
نەڤەشارت ژی کو د مال دا چەندین جورێن گیانەوەران ب خودان دکەت وەکو (سە،پشیک) پرانیا وان ژی خومالی نە و سەر پەر شتیا ب خودانکرنا وان دکەم ل مال ڤە، ھیڤیا من ئەوە ل پاشەرۆژێ بشێم ببمە دەرگەھەک و مالەک بۆ وان گیانەوەرێن سەر جاددەیان دژین کو چو جاران نەھێنە ئێشاندن و بریندار کرن.
ڤێ کچێ گۆت: “خەلکێ مە گەلەک یێ بێ دلوڤانە ل گەل گیانەوەران ب تایبەت ل گەل سەیی، نوکە د مال دا من ھژمارا وان گیانەوەران کێم کریە، ئەوێن ب خودان دکەم ھەتا 15 گیانەورێن کەھی و کیڤی من ل مال ھەنە”.
ل دووماھیێ ژی گۆت: “پتریا ئەڤ گیانەوەرێن ئەز ب خودان دکەم ئەون یێن خێزانێن وان ل سەر جاددا و ب روودانان ھاتینە کوشتن و ھندەک ژ وان ژی ئەون یێن ژ بەر خوارنا گیانەوەرێن وەلاتیان ھاتینە کوشتن”.
