کچەکا کورد خەلاتەکا جیهانی بدەستڤە ئینا
ئەڤرۆ نیۆز، هۆشەنگ تاجر:
خالد محەمەد زادە رۆژنامەڤانێ کورد بۆ ئەڤرۆ نیۆز دیار کر کو کیانا عەبدوللاهی قوتابیا کورد یا خەلکێ باژێرێ پاوە یێ رۆژهەلاتێ کوردستانێ ل وەلاتێ مالیزیا پشکداری د هەڤڕکیەکا جیهانی یا بیرکاریێ کر کو سەد کەس تێدا پشکدار بوون و شیا پلا ئێکێ بدەستڤە بینیت.
ناڤهاتی راگەهاند کو کیانا ١١ سالیە و وەرگرتنا ڤێ خەلاتێ ژی بێگومان هەم بۆ وێ و هەم ژی بۆ گەلێ کوردستانێ گرنگیە.
ئەو یەک د دەمەکێ دایە کو ئەڤسالە پرۆفیسورێ گەنج یێ رۆژهەلاتێ کوردستانێ کۆچەر بیرکار ژی شیا خەلاتا جیهانی یا بیرکاریێ کو وەکو خەلاتا نۆبل یا بیرکاریێ دهێتە نیاسین بدەستڤە بینیت.