ب ڤیدیو بینن: مەکسیکیا باوەریەکا مەزن ب شیانێن ڤی یاریزانێ خوە ھەیە د موندیالا یانێن جیھانی
ئەڤرۆ نیوز:
ستێرا یانا گوادلاخازا یا مەکسیکی ئوربیلین پینیدا یێ ب ھیڤی یە د قارەمانیا موندیالا یانێن جیھانێ شێت ئاستەکێ بلند پێشکێش بکەت و ب رێیا ڤێ موندیالێ خوە بگەھینتە خولێن مەزن ل ئورۆپا .
پینیدا یێ ٢٢ سالی نوکە دھێتە ھژمارتن ئێک ژ باشترین یاریزانێن خۆلا مەکسیکی و یانا خوە کو وەسا دھێتە پێشبینی کرن ھژمارەکا مەزن یا یانێن ئورۆپی چاڤدێریا شیانێن ڤی یاریزانی بکەن .
پینیدا د داخویانیەکێ دا بۆ مالپەرێ فەرمی یێ فیفا دیارکر ھەر ژ زاروکینیا وی وەرە خەونا وی یە یاری ل ئورۆپا بکەت تایبەت ل خولەکا بەرنیاس ل سەر ئاستێ ئورۆپا و ئەو وەسا دبینت باشترین دەلیڤە نوکە ل بەر دەستێ وی یە ژبەرکو ئەو نوکە ل گەل یانا خوە یێ پشکدارە د قارەمانیا موندیالا یانان دا لەورا دێ ھەمی شیانێن خوە تەرخان کەت بۆ ئاستەکێ بلند بوو ب جە ئینانا خەونا خوە ئەوژی بەر ب خۆلەکا ئورۆپی یا مەزن بچیت .
سەبارەت پشکداریا یانا ئەوان ناڤبری دیارکر نوکە ئەو دێ ھزر ل یاریا خوە یا ئێکێ کەن ئەوژی یاریا بەرامبەر یانا کاشیما ئەوا بریارە سوباھی بھێتەکرن و پاش ھزر ل یاریا دیڤدا بەرامبەر ریال مەدرید کەن ژبەرکو پێدڤی یە دەستپێکێ خوە ژ رێیا یانا یابانی قورتال کەین.
ھەژی گوتنێ یە ئوربیلین پینیدا ل ھێلا ناڤین یاری دکەت و ھەر ژ سالا ٢٠١٦ وەرە یاری ل گەل ھەلبژارتیێ ئێکێ مەکسیک کەت و ١٦ یاریێن نیڤدەولی ل گەل ھەلبژارتیێ خوە ھەنە وەسا ھاتە پێشبینی کرن ژمارەکا پتر یا یاریان ھەبیت لێ ژبەر ھنگافتنێ بوو ماوەکی ژ یاریگەھان دورکەفت نەشیا بەردەوامی ب دەتە ھەلبژارتیێ مەکسیک و پشتی ژ ھنگافتنێ ڤەگەریا جارەکا دی ھاتیە داخوازکرن بوو پێکھاتیێ ھەلبژارتیێ ئێکێ مەکسیک