ب ڤان گوتنێن خوە سولاری جەماوەرێ ریال ب ئومێد ئێخست
ئەڤرۆ نیوز،ھەژار مەعروف:
راھێنەرێ یانا ریال مەدرید د گونگرێ رۆژنامەڤانی یێ بەری یاریا ئەڤرۆ ب چەند گوتنێن خوە جەماوەرێ یانا مەلەکی بێ ئومێد نەکر ژبەرکو وی وەسا دیارکر یانا ئەوان ل ماوێ بھێت دێ ئاخفتنەکا دی ھەبیت و د شیانێن ئەوان دا ھەنە ھەڤرکیێ ل سەر قارەمانیێن چامپیونیز لیگ و موندیالا یانێن جیھانی ھەردیسان خولا لالیگا و کاسا شاھێ ئیسپانیا .
سانتیاگو سولاری د گونگرێ رۆژنامەڤانیێ یێ یاریا ئەڤرۆ بەرامبەر یانا رایوڤالیکانو دیارکر تیما ئەوان دەلیڤەیا برنا ناسناڤێن ئەوان قارەمانیێن پشکدار ھەیە و خوسارەتیا ڤێ دووماھیێ ل گەل سیسکا موسکو وێ چەندێ ناگەھینت شیانێن برنا ناسناڤێن قارەمانیا نینە و نابینت بوو یانەکا وەکو ریال مەدرید ژیێ وێ ١١٥ سال و خودانا برنا ١٣ قارەمانیێن چامپیونیز لیگ و ھەردیسان چەندین ناسناڤێن دی یێن نیڤدەولی و نافخوی یا ب زەحمەت بیت ڤەگەریتە ئاستێ خوە یێ جاران و کەساتیا ریال مەدرید تێرا وێ چەندێ ھەیە ھەڤرکیا ناسناڤێن قارەمانیا بکەت.
سولای ھەردیسان د گونگرێ رۆژنامەڤانی دا ئاماژە ب وێ چەندێ ژی کر ئەو نابینت ھەڤرکیا خولێ ئەوان ژ دەستدابیت ژبەرکو بتنێ دناڤبەرا ئەوان یانا بەرشەلۆنا سەرکێشیا خولێ پێنچ خالن و ئەو دبینت نوکە رەوشا یانێ بەر ب باشی ڤە دچیت و دشیانێن یانا ئەوان دا ھەنە ھەڤرکیێ ل سەر ناسناڤێ لالیگا بکەن.
سەبارەت قارەمانیا چامپیونیز لیگ ناڤبری دیارکر ریال بوو ڤێ قارەمانیێ ھەموو گاڤان گوتنا خوە ھەیە و کەساتیا وێ بوو ڤێ قارەمانیێ گەلەک یا ب ھێزە خودانا ١٣ ناسناڤێن قارەمانیێ یە ھەردیسان ل پێنچ دووماھیی ناسناڤێن قارەمانیێ چار جاران ب دەستخوڤە بریە لەورا ئەو دبینت پێدڤی ناکەت ئەو خوە بوو ڤێ قارەمانیێ بێ ئومێد بکەن و خوسارەتیا بەرامبەر سیسکا موسکو دبیت د بەرژوەندیا ئەوان دا بیت داکو ئەوان خەلەتیێن یاریێن بوری ل ماوێ بھێت چارەسەربکەن.