١٣ پارتێن رۆژئاڤا: ئارمانجا ئەردۆگانی ژناڤبرنا کوردانە
ئەڤرۆ نیوز:
پشتی گەفێن تورکیا یێن بۆ ئۆپەراسیۆنەکا سەربازی ل رۆژهەلاتێ فراتێ ١٣ پارتێن رۆژئاڤایێ کوردستانێ پێکڤە داخۆیانیەک بۆ رایا گشتی بەلاڤ کرن و راگەهاندن کو ئەم ب چو رەنگەکێ قەبوول ناکەین تورکیا هێرشی رۆژئاڤایێ کوردستانێ بکەت، ئارمانجا ئەردۆگانی تنێ یەپەگە نینە. بەلکو ئارمانجا ئەردۆگانی ژناڤبرنا کوردانە.
پارتێن رۆژئاڤایێ کوردستانێ هەروەسا داخواز ژ جڤاکێ نێڤدەولەتی و ئەمریکا ژی کرن کو رێ نەدەت تورکیا هێرشی رۆژئاڤایێ کوردستانێ بکەت، چونکو ئەو یەک دێ بیتە ئەگەرێ ئالۆزیێن زێدەتر ل سووریێ و دێ رەوشا نها پتر ئالۆز بیت، چونکو شەر د خزمەتا چو ئالیان دا نینە.