ئێکەتیا ئاسیا دو یاریزانێن ھەلبژارتیێ عیراقێ راگرتن
ئەڤرۆ نیوز:
ئێکەتیا تەپا پێ یا ئاسیا بریار دا ھەردو یاریزانێن یانا جەویە ئەمجەد رازی و گۆلپارێزێ وێ فەھد تالب بۆ ماوەکێ بەروەخت ھاتنە راگرتن پشتی سەرپێچیا رێنمایێن ھژمارە شەش یا ئێکەتیا ناڤبری کری.
د ڤی چارچوڤەی دا د. سەباح ریزا سکرتێرێ ئێکەتیا تەپا پێ یا عیراقێ دیارکر پشتی ھەردو یاریزانێن یانا جەویە و ھەلبژارتیێ عیراقێ ئەمجەد رازی و فەھد تالب ژ پشکنینێن ماددەیێن ھێزێ دەرنەچووین دگەل ھەلبژارتیێ عیراقێ بۆ قارەمانیا ئاسیا ئێکەتیا ئاسیا ئەو ئاگەھدارکرن کو ھەردو یاریزانێن ناڤھاتی راگرتن ژ كرنا یاریان ل سەر ئاستێ نافخو و نیدەولەتی و ھەموو چالاکیان ھەتا ڤەکولین د ڤی بابەتی دا ب دووماھی دھێت.