جەماوەرێ چێلسی داخوازا ئارمانجا ریال دکەن
ئەڤرۆ نیوز:
پشتی گولکەرێ ئەرژەنتینی و ستێرا یانا ئەنتەر میلان یا ئیتالی وێنەکێ خوە ل تورا کومەلایەتی یا ئەنستگرامی بەلاڤەکری ھژمارەکا مەزنا پشتەڤانێن یانا چێلسی یا ئنگلیزی د کومێنتێن خوە دا داخواز ژێکریە کو بھێتە یاریگەھا وان ستامفورد بریدچ.
ماورو ئیکاردی د وێنەیێ بەلاڤەکری دیاردبیت بەرب فروکەیا خوە یا تایبەت دچیت و د کومنتەکا کورت دا نڤێسیە د رێکێ دا بو لەندەن.
ئەڤ وێنەیێ ھەنێ گەلەک ژ پشتەڤانێن یانا چێلسی ب دەلیڤە دیت کومینتان ل سەر بدەن و بوچونا وی ل سەر ڤەگوھاستنێ بو ناڤا رێزێن یانا خوە ل مێرکاتویا زڤستانێ یان ل دەستپێکا وەرزێ نوو بزانن.
ئەڤ چەندە ددەمەکی دایە کو یانا چێلسی لێگەریانا ھێرشبەرەکێ ب ھێز دکەن ل مێرکاتویا زڤستانێ تایبەت پشتی ئاستێ یاریزانێ وان یێ ئسپانی ئەلفارو مرتای داکەفتی و گەلەک دەلیڤەیێن گولکرنێ ژ دەست داین.
ل ھەمبەر ڤێ چەندێ ژێدەرێن روژنامەڤانی یێن ئیتالی خویا دکەن کو ماورو ئیکاردی رازی بویە ھەڤبەستا یانا خوە نوو بکەت و ب ڤێ چەندێ دیار دبیت و ناھێتە ڤەگوھاستن بو یانا ریال مەدرید کو ماوەکە ئەڤ یاریزانە کریە ئارمانجا خوە یا سەرەکی.