نوونەرێ خودانێن موالیدان ھاتە ئازادکرن
ئەڤرۆ نیوز، سالار دۆسکی:
قایمقامێ قەزا دھۆکێ راگەھاند کو نوونەرێن خودانێن موالیدان ھاتە ئازادکرن.
جەھوەر عەلی، قایمقامێ قەزا دھۆکێ راگەھاند کو نوونەرێن خودانێن موالیدان ھاتە بەردان پشتی سوزنامەک ل سەر ھاتیە نڤیسین.
ئەڤرۆ ژمارەکا مەزن یا خودانێن موالیدان ل قائیمامیا پارێزگەھا دھۆکێ خرڤەبووینە و ھندەک ژی د کۆمبوونێ دانە ل گەل قایمامی و لژنا سەرپەرشتیا موالیدان و دخوازن نوونەرێ وان بھێتە بەردان.
ئێک ژ خودانێن موالیدان بۆ ئەڤرۆ نیوز گۆت: “دوھی ب مەرەما داخۆازیێن مە، نوونەرێن مە نڤیسارەکا فەرمی پێشکێشی لژنا موالیدان و قایمقامیێ و پارێزگەھێ کریە ب مەرەما وێ چەندێ کو ئەم تێھەل ناھێین ب وی کۆژمێ پارەی ھند دەمژمێرێن کارەبێ بەردەینێ، چونکو کارەبا گشتی یا کێم بووی و ھاریکاریا مە ژی ناھێتە کرن”.
