د سێ روودانێن دا ھەشت کەس بریندار بوون
ئەڤرۆ نیوز، نەوزاد هلوری:
ئازاد تەھا، بەرپرسێ راگەھاندنا ھاتنوچوونا دھۆکێ بۆ ئەڤرۆ نیوز گۆت: (د دەمێ ١٢ دەمژمێرێن بوری ل سنوورێ پارێزگەھا دھۆکێ دا سێ روودانێن ترافیکێ روویداینە و د ئەنجام دا ھەشت کەس بووینە قوربانی، قوربانی ژی ھەموو بریندارن).
زێدەتر گۆت: (روودانا ئێکێ شەڤا بوری دەمژمێر ١٢:٣٠ ل گەلیێ زاخۆ دناڤبەرا دو ترومبێلێن تایبەت دا روودایە و د ئەنجام دا حەفت کەس بریندار بووینە کو ئەو ژی ژن و زارۆ بوون، روودانا دویێ ژی ل دەمژمێر ٩:١٥ سپێدێ لسەر جادا بارزان ل نێزیک مینی مارکێت دناڤبەرا دوو ترومبێلێن تایبەت دا روودایە، روودانا سێ دەمژمێر ١١:٠٠ێ سپێدێ دناڤبەرا دوو ترومبێلێن تایبەت روودایە و د ئەنجام دا کەسەک برینداربوویە).
ناڤبری دیارکر ژی کو بریندارێن روودانان ھاتینە رەوانەکرن بۆ نەخوشخانێ، زیانێن زورێن مادی ژی بەر ترومبێلان کەفتینە.