ھەولێر دێ ھەڤبەستا پیشەکارێن خوە ھەلوەشینت
ئەڤرۆ نیوز:
پشتی ل حەفتیا بوری یانا ھەولێر ھەڤبەست پیشەکارێ خوە یێ سوری محەمەد رەفت ھەلوەشاندی و ھزر ل ئینانا چەند یاریزانێن دی کریە بوو ڤەگوھاستنێن بھێت.
ژێدەرەکێ نێزیک ژ یانا ھەولێر بۆ ئەڤرۆ نیوز دیارکر کارگێریا یانا ھەولێر ل گەل راھێنەرێ تیمێ یێ نوو نازم شاکر رێککەفتی یە بوو گوھورینا پیشەکارێن یانێ و بەری نوکە ژی ھەڤبەستا یاریزانێ سوری ھاتیە ھەلوەشاند ل سەر رازەمەندیا وی راھێنەری و د کومبوونا خوە یا دووماھیێ دا بریار ل سەر ھەلوەشاندنا دو پیشەکارێن دی ھاتیە دانێ .
ئەوی ژێدەری ئەو چەندە ژی دیارکریە یانا ھەولێر بریارە ھەڤبەستا ھەر ئێک ژ ئیراھیما یاریزانێ غانی و ھەردیسان سالیڤ کایتا یاریزانێ ھەلبژارتیێ ئەفریقیا ناڤین ھەلوەشینت و ل جھێ ئەوان دو پیشەکارێن دی بینتە دناڤ رێزێن خوە دا .
