بەری ٢٠١٨ ب دووماھیی بھێت مودرێچ ئەڤ خەلاتە ژی وەرگرت
ئەڤرۆ نیوز:
ستێرا ھێلا ناڤینا ھەلبژارتیێ کرواتیا و یانا ریال مەدرید و باشترین یاریزانێ جیھانێ لوکا مودریچ بەری سالا ٢٠١٨ ب دووماھیی بھێت خەلاتەکێ دی یێ کەساتی ل سەر مێژویا خوە زێدەکر پشتی دڤێ سالێ دا شیای چار خەلاتان ب دەستخوڤە برین.
لوکا مودرێچ ب باشترین وەرزشڤانێ کرواتیا ھاتە خەلاتکرن بۆ سالا ٢٠١٨ و د داخویانیەکا رۆژنامەڤانی دا مودرێچ دیارکر سوپاس بوو ھەر کەسەکێ دەنگێ خوە دایە وی ھەر دیسان بوو ھەموو رۆژنامەڤانێن ل ئاھنگێ ئامادەبووین وئەوان ئەو وەکو باشترین وەرزشڤانێ وەلاتێ کرواتیا دیتی و ڤێ چەندێ ب شانازیەکا مەزن دبینت.
مودرێچ سالا ٢٠١٨ ب باشترین سالا وی د مێژویا ژیانا وی یا وەرزشی دبینت کو ل سالا ٢٠١٨ ب خەلاتێ باشترین یاریزانێ جیھانێ یێ سەر ب ئێکەتیا فیفا ڤە ھاتە خەلاتکرن و ھەردیسان ب باشترینێ ئورۆپا ژی ھاتە دیارکرن و ھەردیسان ب باشترین یاریزانێ موندیالا جیھانی ٢٠١٨ و خەلاتێ باشترین یاریزان ژی ھاتە خەلاتکرن یێ تایبەت یێ گوڤارا فرانس فتبول.
