ژبەر ڤی ئەگەرى مودرێچ دخوازیت بچیتە یانا ئەنتر میلان
ئەڤرۆ نیوز:
پشتی ل ماوێ حەفتیا بوری یانا ریال مەدرید داخوازیا درێژکرنا ھەڤبەستێ ژ ستێرا خوە یا ھێلا خوە یا ناڤین و باشترین یاریزانێ جیھانێ لوکا مودرێچ کری و وی یاریزانی داخوازیا یانا ریال مەدرید یا ئێکێ رەتکری و چەند رۆژنامەیێن ئیسپانی دیڤچوونا ئەگەرێ رەتکرنا وێ داخوازیا وی یاریزانی کری کو وەسا ئاشکرا بوو یاریزانی ھەڤبەستەکا باشتر گەھشتی یە بەر دەستێ وی ژ یانا ئەنتر میلان و دبیت ئەو بوویە ئەگەرێ وێ چەندێ رەتکری.
چەند رۆژنامەیێن نێزیکی یانا ریال مەدرید ئاشکرا کرینە یانا ئەنتر میلان یا بزاڤێن مەزن کەت شیانێن ئەوی یاریزانی ب دەستخوڤە بینت کو ل دیڤ گوتنا ئەوان رۆژناما یانا ئەنتر میلان کوژمێ ١٢ ملیون یورۆیا پێشکێشی مودرێچ کریە وەکو موچەیێ سالانە کو ئەو کوژمێ پارەی گەلەک ژ یێ یانا ریال مەدرید مەزنتر بوو .
ھەردیسان ئەوان رۆژناما ئاشکرا کریە یانا ریال مەدرید دبیت ئەوی کوژمێ پارەی پێشکێشی مودرێچ نەکەت و ب ڤێ چەندێ دێ نەچار بیت وی یاریزانی ل ھاڤینا بھێت بفروشیت ژبەرکو ھەڤبەستا یاریزانێ ناڤبری دێ ل ھاڤینا سالا ٢٠٢٠ ھەڤبەستا وی ل گەل یانا ریال ب دووماھیی ھێت و ئەو دخوازن ل ھاڤینا بھێت ھزرا فروتنا وی کەن ھەکە مودرێچ یێ رژد بیت ل سەر چوونا خوە.
