ناپولی داخوازیت ھەڤبەستێ ل گەل یاریزانەکێ مسری ئیمزا بکەت
ئەڤرۆ نیوز:
گولکەرێ یانا قاسم باشا و ھێرشبەرێ ھەلبژارتیێ مسر مەحمود حەسەن یێ بەرنیاس ترێزیگە بوویە جھێ گرنگیا یانا ناپولی یا ئیتالی پشتی وی ئاستێ بلند یێ یاریزانێ ناڤبری ل گەل یانا ترکی ل وەرزێ ئەڤ سالە و سالا بوری .
رۆژنامەیێن بەلجیکی ئاشکرا کرینە یانا ئەندلەخت شاشیەکا مەزن کر بەرامبەر دەست بەردانا یاریزانێ خوە ترێزیگە بۆ یانا قاسم پاشا ب ئێک ملیون یورۆ کو وەسا دبینت ئەو دێ پەشێمان بن ژبەرکو یانا تورکی دێ مفایەکێ مەزن ژ ئەوی یاریزانی بینن ل ماوێ بھێت ھەکە بفروشن ژبەرکو نوکە یاریزان د رەوشەکا باش دا بوریت و بوویە جھێ گرنگیا چەندین یانێن ئیتالی و ئەلمانی و ئەو یانا تورکی دێ پارەکێ مەزن بەرامبەر وێ ملیون یورۆیا دایە ئەندلەخت بینن و ھەکە وێ یانا بەلجیکی بێنرڤەھی بەرامبەر وی یاریزانی کربا دا پارەکێ مەزن ژ ئەوی یاریزانی بینن.
ھەردیسان ئەوان رۆژناما ئاشکرا کریە ژی ھەر ئێک ژ یانێن ناپولی و لازیو یێن ئیتالی و شوتگارات یێن ئەلمانی حەزا ئیمزا کرنا ھەڤبەستێ ل گەل وی یاریزانێ مسری ھەیە .
ھەژی گوتنێ یە ل وەرزێ بوری یانا ئەندلەخت یا بەلجیکی ب شێوەیێ خواستن یاریزانێ ناڤبری دابوو یانا قاسم پاشا و ل دەستپێکا ڤی وەرزی بەرامبەر ئێک ملیون یورۆ ب فەرمی یانا قاسم پاشا ئەو یاریزان ژ وێ یانێ کری و ل ماوێ وەرز و نیڤا یاریزانێ ناڤبری نێزیکی ٥٠ یاریان ل گەل وێ یانێ کریە و شیا ٢٠ گولان توماربکەت.
