پشتی ١٢ سالان ڤەگەریا یانا خوە ڤە
ئەڤرۆ نیوز:
بەرەڤانێ پورتوگالی و یانا بشکتاش یا تورکی و یانا ریال مەدرید یێ بەری نوکە پیپێ پشتی دورکەفتنا وی ژ خۆلا پورتوگالێ بوو ماوێ دوازدە سالان جارەکا دی ڤەگەریا یانا خوە یا بەری نوکە پورتو .
پشتی ھەڤبەستا خوە ل مه‌ها بوری ل گەل یانا بشکتاش یا تورکی ھەلوەشاندی چەندین یانێن ئورۆپی ھەڤرکیا ئێک کرن بوو دەستڤە ئینانا شیانێن بەرەڤانێ نیڤدەولی یێ پورتوگالی پیپی ، ل دەستپێکا ڤێ حەفتیێ رۆژناما زەسەن یا برێتانی ئاشکرا کربوو یاریزانێ ناڤبری نێزیکی ئیمزاکرنا ھەڤبەستا یانا موناکو یا فرەنسی بوویە لێ وی یاریزانی ل دووماھیێ بریار دا ب ڤه‌گه‌ریته وێ یانێ یا به‌رێ ١٢ سالان ب جهـ هێلاى .
ھەژی گوتنێ یە پیپی ژ ٢٠٠٤ ھەتا ٢٠٠٧ ل گەل یانا پورتو یاری دکر و ٦٤ یاری ل گەل وێ یانێ ئەنجامدابوون ھەردیسان شیابوو شەش ناسناڤان د ماوێ سێ وەرزان دا ل گەل وێ یانێ ب دەستخوڤە توماربکەت ئەوژی دو ناسناڤێن خۆلا پورتوگال و ل گەل دو ناسناڤێن سوپەرا وی وەلاتی و ناسناڤەکێ قارەمانیا کاسا پورتوگال و ل گەل ئێک ناسناڤێ ئەنترناسونال .
