پشتی ھەڤبەستا بەرشەلۆنا ئیمزاکری بزانە چ گوت
ئەڤرۆ نیوز:
یانا بەرشەلۆنا ب فەرمی ھەڤبەستا یاریزانێ غانی و یانا ساسولو یا ئیتالی کیڤن پرینس بواتینگ ئیمزاکری ھەتا دووماھیا ڤی وەرزی بەرامبەر کوژمێ ئێک ملیون یورۆ ھەردیسان ھەکە یانا بەرشەلۆنا خواست ل دووماھیا ڤی وەرزی ھەڤبەستێ ل گەل وی یاریزانی ئیمزابکەن پێدڤی یە ل سەر یانا کەتەلونی ھەشت ملیون یورۆیا پێشکێشی یانا ساسولو بکەت.
پشتی ھەڤبەستا بەرشەلۆنا ئیمزاکری بواتینگ بوو دەزگەھێن رۆژنامەڤانی ل ئورۆپا دیارکر ئەو یێ خەمگینە پێکھاتیێ ساسولو بجە ھێلا لێ ئەو دبینت ئەڤە دەلیڤەیا ژیانێ یە بوو ھاتی کو ھەڤبەست ل گەل بەرشەلۆنا ئیمزاکری و ئەو گەلەک یێ کەیفخوشحالە نە بتنێ ئەو بەلکو خەونا ھەر یاریزانەکی یە یاری ل یانەکا وەکو بەرشەلۆنا بکەت.
ھەردیسان ھێرشبەرێ بەرشەلۆنا یێ نوو دیارکر ئەو دخوازیت بیتە جھێ رازەمەندیا ستاڤێ راھێنەری و جەماوەرێ یانا بەرشەلۆنا ھەردیسان دخوازیت ل یاریا کلاسیکو ل یاریگەھا سانتیاگو برنابیو گولەکێ ل سەر ریال مەدرید توماربکەت.
