ڤەگەریا ئنگلتەرا ڤە
ئەڤرۆ نیوز:
ستێرا ھێلا بەرەڤانیا ھەلبژارتیێ ئنگلتەرا و یانا چێلسی یێ بەری نوکە ئاشلی کول ب فەرمی ڤەگەریا ئنگلتەرا ڤە پشتی ھەڤبەستا وی ل گەل یانا لوس ئەنجلوس یا ئەمریکی ب ددووماھیی ھاتی پشتی سێ سالان یاری ل وێ یانێ کری دخۆلا ئەمریکا دا.
یانا دێربی کاونتی کو ئێک ژ یانێن خولا پلا ئێک یا ئنگلتەرا یە ل سەر مالپەرێ خوە یێ فەرمی راگەھاندی یە ئەوان ھەڤبەست ل گەل ئاشلی کول ئیمزاکریە ھەتا دووماھیا ڤی وەرزی وەکو ھاریکارێ راھێنەرێ وێ تیمێ.
ئاشلی کول یێ ٣٨ سالی دێ بیتە ھاریکارێ ھەڤالی خوە و ستێرا بەرێ یا یانا چێلسی فرانگ لامپارد ئەوێ نوکە سەرپەرشتیا وێ یانا دێربی کاوتنی کەت.
ھەژی گوتنێ یە ئاشلی کول دھێتە ھژمارتن ئێک ژ بەرەڤانێن بەرنیاس ل سەر ئاستێ تەپا پێ یا ئنگلیزی و ل ماوێ بوری ھەشت سالان یاری بوو یانا چێلسی یا ئنگلیزی کر و دوی ماوی دا ٣٣٠ یاری ل گەل وێ یانا لەندەنی کر و ل ماوێ چەند رۆژێن بوری یانا چێلسی ب فەرمی داخوازی ژ یاریزانێ ناڤبری کربوو بیتە راھێنەرێ تیما ١٧ سالی یا چێلسی لێ وی یاریزانی ئەو داخوازیا چێلسی رەتکر و خواست ل گەل ھەڤالێ خوە لامپارد وەکو ھاریکارێ راھێنەرێ دێربی کاوتنی کار بکەت.
