ل سێ یاریێن دەستپێکێ دو کارتێن سور وەرگرت
ئەڤرۆ نیوز:
بەرەڤانی بەرازیلی و یانا موناکو یا فرەنسی نالدو ئەوێ ل ڤەگوھاستنێن زڤستانێ ھەڤبەستا وێ یانێ ئیمزاکری پشتی ژ یانا شالکە یا ئەلمانی ھاتیە ڤەگوھاستن مێژویەکا رەش ل دەستپێکا خوە ل گەل وێ یانێ تومارکر پشتی ل سێ یاریێن خوە یێن دەستپێکێ دخۆلا فرەنسا دا دو کارتێن سور وەرگرتین.
یاریزانێ نوو یێ موناکو نوکە بوویە جھێ نە ئارامیا بەرپرسێن وێ یانێ و جەماوەرێ یانا موناکو ژبەر ئەوان ھەردو کارتێن سور ل سێ یاریێن خوە یێن دەستپێکێ دخۆلا فرەنسا دا کو ل یاریا ئێکێ بەرامبەر یانا مارسیلیا وەکو یاریزانەکێ سەرەکی ٩٠ دقیقا یاری کر لێ ل یاریا خوە یا دوێ ل گەل وێ یانێ بەرامبەر یانا ستراسبورگ ل حەفت دەقیقەیێن دەستپێکا یاری کارتا سور وەرگرت و بوو ئەگەرێ وێ خوسارەتیا مەزن یا یانا خوە دەمێ خوسارەت بووین ب پێنچ گولان بەرامبەر گولەکێ و پاش پشتی ڤەگەریا یانێ ل یاریا خوە یا سیێ ل گەل یانێ ژی کارتا سور وەرگرت ئەڤ جارە ل دقیقا ٦٠ ل یاریا بەرامبەر دیجون و یانا وی دوێ یاریێ دا ژی خوسارەت بوو ب دو گولان بێ بەرامبەر کو ئەڤە دبیتە یاریزانێ ئێکێ د مێژویا وێ یانێ دا ل سێ یاریێن دەستپێکێ دو کارتێن سور وەرگریت
