روسیا داخوازا تورکیا ل دۆر هەرێما ئارام رەتکر
ئەڤرۆ نیوز:
ئاژانسەکا روسیا دیار دکەت کو د سەرەدانا ئەردۆگانی یا ڤێ دووماهیێ بۆ روسیا دا سەرۆک کۆمارێ تورکیا داخواز ژ بەرپرسێن روسیا کربوو کو رێڤەبەریا هەرێما ئارام یا ل سەر سنورێ سووریا و تورکیا د دەستێ تورکیا دا بیت، لێ روسیا ئەو یەک رەتکر و پوتینی ب رەنگەکێ ئاشکرا بۆ ئەردۆگانی گۆت کو ئەم رێ نادەین رەوشا سووریێ خرابتر لێ بهێت و دڤێت حوکمەتا سووریێ کۆنترۆلا هەموو ئاخا خوە بکەت.
رێکخراوا چاڤدێریا مافێ مرۆڤان یا سووریێ ژی دیار دکەت کو هەڤدیتنێن نهێنی د ناڤبەرا هەوالگیریا سووریێ و تورکیا دا ل دۆر بابەتێ هەرێما ئارام د بەردەوامن و هەتا نها سووریا رازی نەبوویە کو تورکیا هەرێما ئارام برێڤە ببەت.
