ریال دێ ڤی یاریزانێ خوە ل ھاڤینێ فروشیت
ئەڤرۆ نیوز:
ب رێژەیەکا مەزن ل وەرزێ بھێت یانا ریال مەدرید دێ دەستا ژ ستێرا خوە یا ھێلا ناڤین و یاریزانێ ھەلبژارتیێ ئیسپانیا ئیسکو بەردەت و یاریزانی ژی دووماھیی داخویانیا خوە حەزا چوونا خوە دیارکریە ژبەر وێ سەرەدەریا راھێنەرێ نوکە لگەل وی کو پشت بەستنێ ل سەر ئەوی ناکەت .
رۆژنامەیا مارکا ئیسپانی دیارکریە پشتی ڤەگەراندنا خامێس رودرێگیز مسوگەر بووی کو ل وەرزێ بھێت ئەو یاریزان دێ ڤەگەریتە یانا ریال مەدرید ڤە ئەو یانە نوکە ھزر ل فروتنا ئیسکو دکەت و نوکە چەندین یانێن مەزن ل ئورۆپا یێ ھەڤرکی ل سەر دەستڤە ئینانا ئیسکو دکەن کو ژ ئەوانا یانێن مانچێستەر یوناید و مانچێستەر ستی و چێلسی یێن ئینگیزی ھەردیسان یوڤانتوس یا ئیتالی و بایرن میونیخ و پاریس سانجێرمان لێ ل دیڤ گوتنا ئەوی رۆژنامێ ھەر ئێک ژ یانێن چێلسی و مانچێستەر سیتی نێزیکترن بوو دەستڤە ئینانا ئەڤی یاریزانی ژبەرکو کوژمەکێ مەزن بەرھەڤکریە بوو دەستڤە ئینانا ئەوی تایبەت یانا چێلسی ژبەرکو چوونا یاریزانێ وێ یێ بەلجیکی ھەتا رادەیەکێ مەزن مسوگەر بوویە و ئەو یانە دبینت ئیسکو باشترین پێگوھورە ل جھێ ھازارد.
ھەژی گوتنێ یە بھایێ ھەلوەشاندنا ئیسکو نوکە ل یانا ریال مەدرید نێزیکی ٨٠ ملیون یورۆیا و ھەر یانەکا حەزا ئیمزاکرنا ھەڤبەستێ ل گەل ئەوی یاریزانی ھەبیت پێدڤی یە ئەوی کوژمێ پارەی پێشکێشی ئەوێ یانێ بکەت
