د ماوێ سالەکێ دا ئەرسینال دێ ب ٥٣ ملیونا ژ ڤی یاریزانی یا مفاداربیت
ئەڤرۆ نیوز:
راپورتێن رۆژنامەڤانی ل برێتانیا ئاشکراکرینە یانا ئەرسینال داخوازیا ٦٠ ملیون جینێ ئیسترلینی ژ یانا پاریس سانجێرمان کرینە بوو دەست بەردانا یاریزانەکێ خوە یێ گەنچ.
رۆژناما میرو یا برێتانی دیارکریە یانا پاریس یانجێرمان دەست ب دانوستاندنان کریە بوو دەستڤە ئینانا یاریزانێ گەنچ یێ فرەنسی و یانا ئەرسینال ماتیو گندوزی ل ھاڤینا بھێت.
ماتیو ئەوێ ل وەرزێ ئەڤ سالە شیای ئاستەکێ بلند ل گەل یانا ئەرسینال پێشکێش بکەت نوکە بوویە جھێ گرنگیا چەندین یانێن مەزن ل ئورۆپا و یانا پاریس یا بزاڤێن مەزن دکەت بوو دەستڤە ئینانا ئەوی وەکو پێگوھور ل جھێ یاریزانێ وێ ئەدریان رابیو ئەوێ دێ ل ھاڤینا بھێت پێکھاتیێ وێ یانێ ب جە ھێلت.
ھەژی گوتنێ یە ماتیویێ ١٩ سالی ل ھاڤینا بوری ژ یانا لوریان یا فرەنسی ئەوا دخۆلا پلا دو یا وی وەلاتی دا دکەت ب کوژمێ ٧ ملیون جینێ ئیسترلینی ھاتبوو ڤەگوھاستن بوو یانا ئەرسینال و د وەرزێ خوە یێ ئێکێ دا ٣٣ یاری ھەتا نوکە ل گەل وێ یانا لەندەنی کرینە.
