ب ڤیدیو: پشتی گولچیێ چێلسی داخوازیا راھێنەرێ خوە رەتکری بھێتە گوھورین د یاریێ دا راستی ئاشکرابوو
ئەڤرۆ نیوز:
ل یاریا دووماھیا کاسا پیشەکارێن ئنگلتەرا دا دناڤبەرا چێلسی و مانچێستەر سیتی ل دووماھیی دەقیقا دەمێ زێدەکری یا یاریێ گولچیێ یانا چێلسی کیپا توشی ھنگافتنەکێ بوو پاش راھێنەرێ یانا چێلسی خواستن یاریێ ب پێگوھورێ کیپای بکەت لێ ئەوی گولچیی داخوازیا راھێنەرێ خوە رەتکر و ئەو چەندە بوو ئەگەرێ تورەبوونەکا مەزن یا راھێنەرێ یانا چێلسی.
پشتی یاری ب دووماھیی ھاتی راھێنەرێ یانا چێلسی ماوریسیو ساری بوو دەزگەھێن راگەھاندنێ دیارکر کیپا یێ حەق بوو ئەو ب شاشی تێگەھشت بوو کو وی ھزر کر ئەو توشی ھنگافتنێ بوویە و یاری بەر ب دووماھیێ ڤە چوو بو لێدانێن پەنەلتیا و خواست یاری ب پێگوھورێ وی بکەت و ئەوی ھزر کر ئەو ھنگافتنا توش بوویێ نەشێت بەردەوامی ب دەتە یاریێ لێ پاش ئەوی دیارکر ھنگافتنا وی یا سڤکە و دشێت بەردەوامی ب دەتە یاریێ و ژبەر ئەو چەندا رویدای ئەو دێ ل گەل کپیای تایبەت روینت ل سەر وی بابەتی.
ھەژی گوتنێ یە دوێ یاریێ دا یانا مانچێستەر سیتی شیابوو سەرکەفتنێ ل سەر چێلسی توماربکەت ب لێدانێن پەنەلتیا ب چار گولان بەرامبەر سێ گولان پشتی دەمێ دروست و یێ زێدەکری یێ یاری بێ گول ب دووماھیی ھاتی.
