کارێ دروستکرنا پارکا دانعەمران بەر ب قوناغێن دووماھیێ ڤە چوویە
ئەڤرۆ نیوز، عەلی حاجی:
ئەندازیار ماھر ئەحمەد ژ باژێرڤانیا زاخۆ بۆ ئەڤرۆ نیوز گوت: (پروژەیێ دروستکرنا پارکا دانعەمران ل زاخۆ ب شێوەیەکێ راستەوخۆ ژلایێ باژێرڤانیا زاخۆ ڤە کار ل سەر دروستکرنا وێ دھێتە کرن و کارێ چێکرنا وێ پارکێ ژی بەرەڤ قوناغێن داویێ ڤە چوویە، پارکا دانعەمران دێ تایبەت بیت ب کەسانێن دانعەمر ڤە ئەڤ کارە ھاتە ئەنجام دان ژ بەر کو دانعەمران ل زاخۆ چو جھەکێ تایبەت نینە دەمێ خوە تێدا دەربار بکەن ژ بەر ڤێ چەندێ ئەڤ پارکە ھاتە دروست کرن).
ناڤھاتی ئەو چەندە ژی دیار کر تێچوویێ پروژەیی ٥٣٥ ملیون دینارێن عێراقی نە، ژ بەر کو ئەو پارکە ٣ مدترا نزمترە ژ جاددەیا سەرەکی دێ ئاسانسورەک ژی دناڤ پارکێ دا ھێتە دانان دا کو رێک بۆ دانعەمرێن مە ب ساناھی بھێنە ناڤ پارکێ دا و ئەگەر چو رەوشا کەش و ھەوای یێ گونجای بیت ھەتا ھەیڤەکا دی دێ کار ل سەر چێکرنا وێ پارکێ ب دووماھی ھێت.
