ئەوا دوھی بەرشەلۆنا ب سەرێ ریال ئینای بەری شەش سالان ئەو ب سەرێ وێ ھاتبوو
ئەڤرۆ نیوز:
پشتی د ماوێ کێمتر د حەفتیەکێ دا یانا بەرشەلۆنا شیا دو جاران سەرکەفتنێ د کلاسیکویا ئیسپانیا دا ل سەر یانا ریال مەدرید توماربکەت ئەو چەندە بەری شەش سالان ژی ب سەرێ بەرشەلۆنا ھاتبوو دەمێ ل سالا ٢٠١٣ د ھەمان گەر و ھەمان قوناغا کاسا شاھێ ئیسپانیا دو جاران د ماوێ پێنچ رۆژان دا توشی خوسارەتیێ بووی ل سەر دەستێ ریال مەدرید .
ل سالا ٢٠١٣ و تایبەت ل ٢٦-٢-٢٠١٣ یانا ریال مەدرید ل سەر کیستێ یانا بەرشەلۆنا دەربازی قوناغا یاریا دووماھیا کاسا شاھێ ئیسپانیا بوو پشتی ب سەرکەفتی ل یاریگەھا کامپ نوو ب سێ گولان بەرامبەر گولەکێ کو ریال یا پێشکەڤتی بوو ب سێ گولان ھەتا خولەکا ٩٠ کو ل یاریا ئێکێ ھەردو یانە ل یاریگەھا سانتیاگو برنابیو ب گولەکێ وەکھەڤبوون و پاش ب پێنچ رۆژان ھەردو یانە کلاسیکویەکا دی ئەنجامدا ئەوژی ل ٢-٣-٢٠١٩ و بوو جارا دوێ ل دیڤ ئێک ریال مەدرید شیا سەرکەفتنێ ل سەر بەرشەلۆنا توماربکەت و ئەڤ جارە ب دو گولان بەرامبەر گولەکێ.
٢٠١٩ سیناریو بەروڤاژی
ل ٢٧-٢-٢٠١٩ یانا بەرشەلۆنا ل سەر کیستێ ریال مەدرید گەھشتە دووماھیا کاسا شاھێ ئیسپانیا دەمێ ب سەرکەفتی ل سەر ریال مەدرید ل یاریگەھا سانتیاگو برنابیو ب سێ گولان بێ بەرامبەر کو ل یاریا ئێکێ ل کامپ نوو ھەردو یانە ب گولەکێ وەکھەڤبوون و پاش ب چار رۆژان ھەردو یانا جارەکا دی ھەمبەری ئێک بوون و ل ٢-٣-٢٠١٩ بەرشەلۆنا سەرکەفتنا خوە دوبارەکر و ئەڤ جارە ب گولەکێ بێ بەرامبەر ب سەرکەفت.
