د ماوێ روژەکێ دا ٧ کەس بریندار بوون
ئەڤرۆ نیوز ، عەلی حاجی :
ل گورەی وان روودانێن ل رێڤەبەریا ھاتن و چوویا زاخۆ ھاتینە تومارکرن ، ل ماوێ روژەکێ دا ٢ روودان ل زاخۆ دروست بوینە و د وان روودانان دا ٧ کەس بریندار بوینە و زیانێن ماددی ژی پەیدابوینە.
کومیسەر بەشیر یوسڤ ژ راگەھاندنا ھاتن و چوویا زاخۆ بۆ ئەڤرۆ نیوز دیارکر روودانا ئێکێ ل دەمژمێر ٧ی شەڤ ل سەر جاددەیا دێرەبونێ روودانەکا ترافیکی دناڤبەرا دو ترومبێلێن بارھەلگر دا دروست بوون ، دوێ روودانێ دا ٦ مەس بریندار بوون و زیانێن ماددی ب ھەردو تروومبێلان کەفت ، روودانا دوێ د ھەمان روژ دا روویدا ل دەمژمێر ١٢ی شەڤ ل تاخێ بێدارێ ژ ئەگەرێ مەیی ڤەخارنێ ترومبێلەکا بچیک ژێر کونترولا شوفێری دا دەردکەڤیت و خوە ل ستوینا کارەبێ ددەت و شوفێر بریندار دبیت و زیانێن ماددی ژی بەر ب ترومبێلێ کەفت.
ناڤھاتی زێدەتر گۆت: رێیا دێرەبوونێ سالانە ژمارەیەکا روودانان پەیدادبن ژبەر کو بویە رێیەکا بازرگانی بو ترومبێلێن بارھەلگر ، نەپێگریا شوفێران ب رێنمایان و خرابیا رێکا دێرەبونێ و ھەر دیسان ھەبونا دو کەمپێن ئاوارەیان ژی ئەگەرێن سەرەکیێ دروست بونا روودانانە ژبەر کو قەرەبالغیەکا مەزن دکەڤیتە سەر وێ جاددەیێ.
