زێدان بەحس ل رەوشا نوکە یا ریال مەدرید کر
ئەڤرۆ نیوز:
بریارە ئەڤرۆ ل دەمژمێر ٥:١٥ ئێڤاری ل دیڤ دەمێ کوردستانێ یانا ریال مەدرید ل یاریگەھا خوە سانتیاگو برنابیو مێڤانداریا یانا ئیبار بکەت ژ چارچوڤێ یاریێن گەرا ٣١ ژ خۆلا لالیگا ئیسپانیا.
راھێنەرێ یانا ریال مەدرید زێدان بەری ڤێ یاریێ دیارکر ئەوان ھەشت یاری ماینە و بتنێ ل سەر ئەوان پێدڤی یە نوکە ھزر ل ئەوان ھەشت یاریێن مای بکەن و پشتی ھەر ھەشت یاری ب دووماھیی بھێن ئەو باش دێ ھزر ل وەرزێ بھێت بکەن.
ھەردیسان زێدان تەکید ل وێ چەندێ کر کو بوو وەرزێ بھێت بێ گومان دێ گوھورین ل ناڤا پێکھاتیێ یانێ ھێنەکرن لێ وەکو وی دیارکری نوکە دەم مایە ئەو بەحس ل ئەوان گوھورینا بکەن پشتی وەرزێ ئەڤ سالە ب دووماھیی بھێت ئەو دێ وی دەمی ب درێژی بەحس ل ئەوی بابەتی کەن سەبارەت ھازارد یاریزانەکێ خودان شیان و ھەر یانەک و راھێنەرەک دخوازیت یاریزانەکێ وەکو ھازارد ل ناڤا پێکھاتیێ ئەوی دا بیت .
سەبارەت ناڤاس ناڤبری دیارکر ناڤاس یاریزانێ یانێ یە و ئەوی ئەو خوش دڤێت وەکو یاریزان و وەکو کەساتی ژی لێ ئەو چ چیاوازی نائێختە دناڤبەرا وی و چ گولچیێن دی یێن یانێ و یێ باش دێ یاریێ کەت ھەردیسان ئەو دخوازیت مارسێلوی ڤەگەرینتە ئاستێ جاران و پتر دەلیڤەیێ بدەتی و پشت بەستنێ ل سەر ئەوی بکەت ل یاریێن بھێت ژبەرکو ئەو ب ئاستێ وی یاریزانی یێ کەیفخوشحالە .
سەبارەت گرنگیا یاریا ئیبار ھەر چەندە ژ سەرکێشیا خولێ چیاوازیەکا مەزن ل گەل ئەوان ھەیە لێ ھەموو بزاڤا کەن ل ھەشت یاریێن بھێت ئەنجامێن باشتر ب دەستخوڤە بینن ب دلێ جەماوەرێ یانێ بەن و رێزبەندیا نوکە یا یانێ باشتر لێ بکەن ھەتا دووماھیا وەرزێ ئەڤ سالە و یانەکا وەکو ریال مەدرید ھەکە ب چ یاریزانان یان چ رەوش دا بیت دەمێ د چیتە دناڤا یاریێ دا بتنێ ل سەر ئەوان پێدڤی یە ھزر ل سێ خالێن یاریێ بکەن لەورا ل ھەموو یاریێن بھێت ھزرا ئەوان ئەوە سەرکەفتنێ توماربکەن.
