ریال مەدرید مفا ژ دیاریا بەرشەلۆنا وەرگرت
ئەڤرۆ نیوز:
پشتی یانا بەرشەلۆنا ل ماوێ چەند رۆژێن بوری ھزرا خوە گوھوری و خوە ژ ھەڤرکیا ب دەستڤە ئینانا ھێرشبەرێ سربی و یانا ئەنتراخت فرانکفورت لوکا یوڤیتیچ بوویە ڤەکێشای و ھزر ل ئینانا ھێرشبەرەکێ دی کری ل جھێ وی یانا ریال مەدرید ئەو چەندە بمفا وەرگرت و ھاتیە سەر ھێلا دەستڤە ئینانا ئەوی ھێرشبەری ل دیڤ گوتنا رۆژنامەیەکا ئیسپانی.
رۆژناما موندو دیپورتیپو یا ئیسپانی ئاشکراکریە لوکا یوڤیتیچ ل ماوێ بوری ببو جھێ ئارمانجا سەرەکی یا بەرشەلۆنا بوو ڤەگوھاستنا ئەوی ل مێرکاتویا ھاڤینا بھێت لێ بەرپرسێن ئەوێ یانێ نوکە ھزرا خوە گوھوریە و دخوازن ھەڤبەستێ ل گەل ھێرشبەرەکێ بەرنیاستر ئیمزا بکەن بوو ھاڤینا بھێت کو ئەوژی دو یاریزان کرینە ئارمانجا خوە ئەوژی ژ راشفورد ژ مانچێستەر یوناید و کرێزمان ژ ئەتلەتیکو مەدرید .
ھەردیسان وێ رۆژنامێ ئاشکراکریە ژی یانا ریال مەدرید ب فەرمی دەست ب لیڤنا کریە بوو دەستڤە ئینانا ئەوی یاریزانی پشتی یانا بەرشەلۆنا خوە ژ ھەڤرکیا ئەوی یاریزانی ڤەکێشای .
لوکا یوڤیتیچ نوکە دھێتە ھژمارتن ئێک ژ بەرنیاسترین باشترین ھێرشبەران ل سەر ئاستێ خۆلا بوندس لیگا ئەلمانیا کو ل وەرزێ ئەڤ سالە د ٢٧ یاریێن خۆلا ئەلمانیا دا شیا ١٧ گولان توماربکەت و شەش گول بەرھەڤکرینە و ل قارەمانیا یورۆپا لیگ ل گەل یانا خوە ھەشت گول ھەتا نوکە تومارکرینە ژ ١٢ یاریان
