ئەرسینال پێگوھورێ ئوزێل دیتی یە
ئەڤرۆ نیوز:
چاڤەرێ دھێتەکرن یانا ئەرسینال یا ئنگلیزی ھەڤبەستێ ل گەل یاریزانەکێ دی یێ ئەلمانی ل جھێ یاریزانێ خوە یێ نوکە یێ ئەلمانی مەسعودی ئوزێل ئیمزا بکەت.
رۆژنانا بیلێد یا ئەلمانی ئاشکراکریە یانا ئەرسینال یا لەندەنی ب فەرمی دەست ب لڤینا کریە بوو دەستڤە ئینانا ستێرا ھوڤنھایم یا ئەلمانی کەریم دەمیربای ل جھێ یاریزانێ خوە یێ نوکە مەسعود ئوزێل کو کەریم دەمیربای نوکە بوویە جھێ ئارمانجا چەندین یانێن ئورۆپی پشتی ل وەرزێ ئەڤ سالە شیای ئاستەکێ بلند ل گەل یانا خوە دخۆلا بوندس لیگا دا پێشکێش بکەت .
ھەردیسان وێ رۆژنامێ ئاشکراکریە ژی راھێنەرێ یانا ئەرسینال ئێمری ئونای داخوازی ژ کارگێریا یانێ کریە ب زیترین دەم ھەڤبەستێ ل گەل ڤی یاریزانی ئیمز بکەن وەکو پێگوھورێ مەسعود ئوزێل ئەوێ بریارە ل دووماھیا ڤی وەرزی پێکھاتیێ وێ یانێ ب جە بھێلت و بەر ب یانەکا دی ڤە بچیت.
ئەوێ رۆژنامێ ئاشکراکریە ژی بھایێ ھەلوەشاندنا ھەڤبەستا وی یاریزانی ٣٠ ملیون یورۆنە کو نابیتە رێگریەکا مەزن د رێیا ئەرسینال دا ژبەرکو ئەو کوژمێ پارەی نابیتە کوژمەکێ مەزن بوو یانەکا وەکو ئەرسینال.
ھەژی گوتنێ یە ھەردو یاریزان مەسعود کەریم دەمیربای د رەگەز دا تورکن لێ خودان رەگەزنامەیا ئەلمانی نە
