کار بۆ جوانکرنا پرا دەلال دھێتە کرن
ئەڤرۆ نیوز، عەلی حاجی:
پشتی دیرۆکا دروست یا پرا دەلال ھاتیە دیار کرن و ھاتیە نووژەن کرن گرۆپەکێ خوەبەخش دێ چاڤدێریا پرا دەلال کەت و دئێکەم پێنگاڤ دا ب ھەڤکاری دگەل لایەنێن پەیوەندیدار ل زاخۆ رابوون ب راکرنا چەندین جھێن سەرپێچی و دانانا کورسیێن کارەبایی و سەلکێن بەرمایکان.
ئیسلام یوسف خوەبەخشەکێ گرۆپێ دەلال بۆ ئەڤرۆ نیوز دیار کر مەبەستا مە ژ ناڤێ دەلال ژ بەر وێ چەندێ بوو کو ناڤێ دەلال ب باژێرێ زاخۆ ڤە ھاتیە گرێدان و پشتی مە چەندین تێبینی ل سەر ھندەک بابەتان رادەستی باژێرڤانیا زاخۆ و جھێن پەیوەندیدار کرن ب خوشحالی ڤە پێشوازی ل وان تێبینیان ھاتە کرن و دئێکەم پێنگاڤ دا باژێرڤانیا زاخۆ رابوو ب راکرنا وان دیمەنێن پرا دەلال نەجوان کرین.
ناڤھاتی ئەو چەندە ژی دیار کر رێڤەبەریا کارەبا زاخۆ نوکە ھاتیە سەرخەت رابوویە ب راکرنا ھندەک ستونێن کارەبێ کو دکەڤتنە بەراھیکا پرا دەلال و زێدەباری وێ چەندێ دێ چەندین وایرێن دیتر ژی ھێنە راکرن، ھەر دیسان رێڤەبەریا گەشت و گوزارێ ل زاخۆ کابینەکا دیتر ژناڤبرن ژ بەر کو وێ کابینێ دیمەنەکێ نەحوان دابوە پرا دەلالئەم وەکو گرۆپێ خوەبەخشێ دەلال دێ بەردەوام دیفچوونا پرا دەلال کەین و بتنێ مەرەما مە ئەوە بشێن روویەکێ جوانتر بدەینە پرا دەلال.