بزانە راھێنەرێ بەرشەلۆنا بوو یاریا ئەڤ شەڤە چ گوت
ئەڤرۆ نیوز:
چاڤەرێ دھێتەکرن ئەڤ شەڤە ل دەمژمێر ٩:٤٥ ل دیڤ دەمێ کوردستانێ یانا بەرشەلۆنا یاریەکا گرنگ ل گەل یانا لیڤانتی بکەت ژ چارچوڤێ یاریێن گەرا ٣٥ ژ خۆلا لالیگا ئیسپانیا کو دڤێ یاریێ دا یانا بەرشەلۆنا چاڤ ل سێ خالێن یاریێ یە بوو مسوگەرکرنا خولێ ب فەرمی و ئاھنگ ل یاریگەھا خوە و ناڤا جەماوەرێ خوە بگریت بوو برنا ناسناڤێ خوە یێ ١٣ بەرامبەر یانا لیڤانتی ژی نابیتە پاریەکێ ب سانەھی بوو یانا کەتەلونی ژبەرکو ئەو ژی نوکە یا شەری بوو دەستڤە ئینانا خالان کەت بوو مانا خوە دخولێ دا .
راھێنەرێ یانا بەرشەلۆنا ڤالڤێردی بەری ڤێ یاریێ بۆ دەزگەھێن راگەھاندنێ دیارکر یاریا ئەوان یا ئەڤ شەڤە بەرامبەر لیڤانتی نابینت یاریەکا ب سانەھی یە ژبەرکو ئەوی ئاستێ ئەوێ یانێ ل دووماھیی یاری دیت کو د رەوشەکا باش دا بوون و شیان سەرکەفتنێ و چار گولان ل سەر یانا بتیس توماربکەن لەورا دبینت دێ یاریەکا ب زەحمەت بیت ژبەرکو نوکە لیڤانتی یا شەرێ ب دەستڤە ئینانا خالان کەت بوو مانا خوە دخولێ دا .
ھەردیسان ناڤبری دیارکر ژی ئەوان دڤێ یاریێ دا گەلەک پێدڤی ب سێ خالان ھەیە ژبەرکو ب ئەوان سێ خالان ئەو دێ ناسناڤێ خولێ ئێکلاکەن و دێ بوو ئەوان گەلەک خوشتر و ئارامتر بیت بەری یاریا لیڤەرپول ژ قارەمانیا چامپیونیز لیگ ناسناڤێ خولێ مسوگەر بکەن دێ بیتە پالدەرەکێ مەزنتر بوو ئەوان بشێن ئەنجامەکێ باشتر ب دەستخوڤە بینن د وێ یاریێ دا.