بەرشەلۆنا ب فەرمی ل گەل ڤی یاریزانی مانچێستەر یوناید رێککەفت
ئەڤرۆ نیوز:
وەکو بەری نوکە ژی ھاتیە چاڤەرێکرن یاریزانێ ئیسپانی و ھێلا ناڤینا یانا مانچێستەر یوناید یا ئنگلیزی خوان ماتا ئەوێ دێ ھەڤبەستا ئەوی ل ھاڤینا ئەڤ سالە ب دووماھیی ھێت و بەر ب یانا بەرشەلۆنا ڤە چیت ب ھەڤبەستەکا سەربەست کو رۆژنامەیەکا نێزیکی یانا بەرشەلۆنا دیارکریە ل ماوێ چەند رۆژێن بوری بەرپرسێن وێ یانا کەتەلونی و ماتا گەھشتی نە رێککەفتنێ و بریارە پشتی دووماھیی ھاتنا یاریێن قارەمانیا چامپیونیز لیگ ھەڤبەستا ئەوی بھێتە راگەھاندن.
رۆژناما سپورت یا کەتەلونی دیارکریە کارگێریا یانا بەرشەلۆنا ل گەل خوان ماتا ل سەر ھەموو بەندێن ھەڤبەستێ رێککەفتی یە بتنێ مایە ئەو یاریزان بەر ب ئیسپانیا بچیت بوو ئیمزاکرنا ھەڤبەستا خوە ب فەرمی ل گەل یانا بەرشەلۆنا و چاڤەرێ دھێتەکرن پشتی یاریێن قارەمانیا چامپیونیز لیگ ئەو یاریزان بەر ب ئیسپانیا ڤە بچیت بوو ئیمزاکرنا ھەڤبەستا وێ یانا کەتەلونی .
ئەوێ رۆژنامێ دیارکریە ژی یانا مانچێستەر یوناید ھەموو بزاڤکرن بوو رازی کرنا ئەوی یاریزانێ خوە لێ ئەوی یاریزانی حەزا چوونێ ھەبوو .
ھەژی گوتنێ یە خوان ماتا بەری نوکە یاری ل تیما تازە پێگەھشتی و لاوێن ریال مەدرید و تیما دوێ یا وێ یانێ کریە و ھەردیسان ل سەر ئاستێ یانان یاری ل یانا ڤالنسیا و چێلسی و نوکە ل یانا مانچێستەر .
