بازارێ گوشت فروشان ژبەر کێم ئاڤیێ د نالن
ئەڤرۆ نیوز، عەلی حاجی:
بازارێ گوشت فروشان گازندەیا نەبونا کێم ئاڤێ یا بازارێ خوە دکەن و دیار دکەن ژی ٤ ھەتا ٥ روژان جارەکێ ئاڤا سەرەکی بۆ وان دھێت و نەچارن ئاڤێ بۆ خوە بکرن دا کو بشێن کارێ خوە بکەن مە پەیوەندی ب جھێن بەرپرسیار ژی کریە لێ بێ مفا بوویە.
ل دور گازندەیا بازارێ گوشت فروشان رێڤەبەرێ ئاڤا زاخۆ ھاشم ئیبراھیم بۆ ئەڤرۆ نیوز گوت: د پلانان مەدایە ھەر دو رۆژان جارەکێ ئاڤێ بدەینە ڤی بازاری و فەرمانبەرێن سەرەدانا وی بازاری کری یە و ئاریشە نە ژ دەڤ مەیە ژ دەڤ بازاری بخوەیە ژبەر کو مالیدێ وان یێ ئاڤێ ب دروستی کار ناکەت لەوما ئاڤ ب وی رەنگی دگەھیتە بەر دەستێ وان ، ھەر چەندە ئەم گڤاشتنەکا مەزن دئێخینە سەر ئامیرەیان ژی دا کو ئاڤ ب شێوەیەکێ باش بگەھیتە ھەمی مالان.
ناڤھاتی زێدەتر گوت: چەند ئاڤا زاخۆ شیلی بیت ئەم نەچار دبین ئامیرەێن ئاڤێ کێمتر بدەینە کاری و لەورا گەلەک جاران نەچار دبین تنێ ئێک ئامیرێ ئاڤێ بدەینە کاری و ئەڤ چەندە ژی کارتێکرنەکا مەزن ل سەر پروژەیێ ئاڤێ دکەت.
