لیڤەرپول دخوازیت ھەڤبەستێ ل گەل ڤی ستێرا خۆلا ئیسپانیا ئیمزا بکەت
ئەڤرۆ نیوز:
سەرەرای ھەبوونا دو باشترین گولکەرێن خولا ئنگلتەرا ئەوژی محەمەد سەلاح و سادیو مانی ئەوێن ل وەرزێ ئەڤ سالە شیان ب ناسناڤێ گولکەرێن خولێ بھێنە خەلاتکرن لێ یانا لیڤەرپول دخوازیت ھەڤبەستێ ل گەل یاریزانەکێ دی ژی یێ گولکەر ئیمزا بکەت بوو ب ھێز ئێخستنا ھێلا ھێرشبەریا خوە .
رۆژنامەیێن نێزیکی یانا لیڤەرپول دیارکریە د پلانا یانا لیڤەرپول دا یە ل ھاڤینا بھێت ھەڤبەستێ ل گەل ھێرشبەرەکێ دی یێ خودان شیان و گولکەر ل ھاڤینا بھێت ئیمزا بکەن کو بەرپرسێن وێ یانێ ستێرا سالتاڤیگو ماکسیمیلیانو گومێز کریە ئارمانجا خوە یا سەرەکی بۆ وەرزێ بھێت.
ھەژی گوتنێ یە ماکسیمیلیانو ل وەرزێ ٢٠١٧-٢٠١٨ ھەڤبەستا یانا سالتاڤیگو ئیمزاکریە کو ل ھەردو وەرزێن بوری ئەوی یاریزانی پشداری د ٧٠ یاریێن یانێ دا کریە دخولا ئیسپانیا دا و شیا ٣١ گولان توماربکەت ل گەل ١٠ گولان بوو ھەڤالێن خوە بەرھەڤبکەت .
