ھەشت سالە کونترولا خۆلا ئەلمانیا کریە
بەرھەڤکرن،ھەژار مەعروف:
ستێرا پولەندی و گولکەرێ بەرنیاس یێ یانا بایرن میونیخ روبرت لیڤاندوڤسیکی ئێک ژ بەرنیاسترین گولکەرێن جیھانێ یە و تایبەت ل خولا بوندس لیگا ل دووماھیی ھەشت سالێن بوری کو د ماوێ ئەوان ھەشت سالان دا شیا ٥ جاران ب ناسناڤێ گولکەرێ خولێ ب دەستخوڤە ببەت و دو جاران رێزا دوێ و جارەکێ رێزا سیێ د ٩ پشکداریێن خوە دا دخۆلا ئەلمانیا دا .
لیڤاندوڤسکی ل سالا ٢٠١٠ ژ یانا پوزنان یا پولەندی پەیوەندی ب بروسیا دورتموند یا ئەلمانی کر و ل گەل وێ یانێ یێ بەردەوام بوو ھەتا وەرزێ ٢٠١٤-٢٠١٥ پاش ھەڤبەستا بایرن میونیخ ئیمزاکر و ھەتا نوکە ل گەل وێ یانێ یێ بەردەوامە .
د ماوێ ٩ وەرزێن بوری دا ئەوی یاریزانی وەکو یاریێن فەرمی دخۆلا بوندس لیگا دا ٢٩٠ یاری کرینە و شیایە ٢٠٢ گولان توماربکەت و ٦٢ گولان بوو ھەڤالێن خوە بەرھەڤبکەت و ٥ جاران ناسناڤێ گولکەرێ خولێ ب دەستخوڤەبریە کو سێ جاران ل گەل بایرن و دو جاران ل گەل بروسیا دورتموند.
ھەر ٩ وەرزێن لیڤاندوڤسیکی دخۆلا بوندس لیگا دا بزانە
وەرزێ ٢٠١٨-٢٠١٩ شیا ٢٢ گولان توماربکەت وەکو گولکەرێ خولێ و ناسناڤێ خولا ئەلمانیا ژی ل گەل بایرن میونیخ ب دەستخوڤەبر
٢٠١٧-٢٠١٨ شیا ٢٩ گولان توماربکەت وەکو گولکەرێ خولێ و ناسناڤێ خولا ئەلمانیا ژی ل گەل بایرن میونیخ ب دەستخوڤەبر .
٢٠١٦-٢٠١٧ شیا ٣٠ گولان توماربکەت و رێزا دوێ یا گولکەرێن خولێ ھات ب جوداھیا گولەکێ ژ گولکەرێ خولێ و شیا ل گەل یانا بایرن میونیخ ناسناڤێ خولێ ب دەستخوڤە بینت.
٢٠١٥-٢٠١٦ شیا ٣٠ گولان توماربکەت وەکو گولکەرێ خولێ و ھەردیسان ناسناڤێ خولا ئەلمانیا ژی ل گەل بایرن میونیخ ب دەستخوڤە بر.
٢٠١٤-٢٠١٥ شیا ١٧ گولان توماربکەت ل رێزا دوێ یا گولکەرێن خولێ ھات ب جوداھیا ٢ گولان ژ گولکەرێ خولێ و ھەردیسان شیا ناسناڤێ خولا ئەلمانیا ژی ب دەستخوڤە ببەت ل گەل بایرن میونیخ.
٢٠١٣-٢٠١٤ شیا ٢٠ گولان توماربکەت و ب ناسناڤێ خولێ خولێ ھاتە خەلاتکرن و رێزا دوێ د لیستەیا خولا ئەلمانیا دا شیا ب دەستخوڤە بینت ل گەل یانا بروسیا دورتموند.
٢٠١٢-٢٠١٣ شیا ٢٥ گولان توماربکەت و ب ناسناڤێ خولێ خولێ ھاتە خەلاتکرن و رێزا دوێ د لیستەیا خولا ئەلمانیا دا شیا ب دەستخوڤە بینت ل گەل یانا بروسیا دورتموند.
٢٠١١-٢٠١٢ شیابوو ٢٢ گولان توماربکەت و رێزا سیێ یا گولکەرێ خولێ بھێت و ل گەل بروسیا دورتموند شیابوو ناسناڤێ خولێ ب دەستخوڤە ئینابوو.
٢٠١٠-٢٠١١ کو وەرزێ ئێکێ یێ وی یاریزانی بوو دخۆلا ئەلمانیا دا شیا ٩ گولان دخولێ دا توماربکەت و ل گەل یانا خوە رێزا ئێکێ و ناسناڤێ خولا ئەلمانیا ب دەستخوڤە بر.