مرنا ژ سه‌رما
مرن ژ سه‌رما و برچینیا، چ گۆتنه‌ك نه خوه‌شه كو وێنه‌كێ پر ب هه‌ست و نه‌ست، ئازاری و ئێش دئێنه به‌ر چاڤێن مرۆڤی، هه‌كه مرۆڤ ل فلمه‌كی ته‌ماشه‌بكه دبه كو خوه نه‌گره ل به‌ر دیمه‌نێن مرنا ب ڤی ره‌نگی، ئایا هه‌كه ئه‌و كه‌سێ ژ سه‌رما و برچینا ژیانا خوه ژ ده‌ست دده‌ت چ د هه‌سته هه‌تا ره‌وانێ وی به‌ر ب ئافردارێ خوه ڤه هلدكشه ئانژی دادكه‌ڤه؟!
مرنا ژ سه‌رما و برچینا. د بیرا كوردان ده زۆر بیرئانینێن ب ڤی ره‌نگی هه‌نه، هه‌ر جاره‌كێ كو ئه‌و دخوازن ژ بیربكن لێ ژ نووڤه و ب بۆیه‌رێن نوو بیر و هزرێن مه ڤه‌دژن. ئایا ئه‌ڤه ئێكه ژ پارا ژیانا كوردانه؟
به‌ری چه‌ند رۆژه‌كان ئالاڤێن راگه‌هاندنێ ب هه‌موو جۆرێن خوه ڤه، مرنا سێ گێنجێن كورد ژ رۆژئاڤایێ كوردستانێ ژ سه‌رما و برچینا ل دارستانه‌كێ ل سه‌ر سینۆرێ د ناڤبه‌را سربیا و بولگاریا دا راگه‌هاندن.
هه‌ر وه‌سا د ئه‌ینی نووچه‌یان دا چیرۆكا مرن و وندابوونا چه‌ند كوردێن ئێزدی ژ باشۆرێ كوردستانێ هات راگه‌هاندن.
ئایا هه‌تا چ ده‌می دێ كورد ژ وه‌لاتێ خوه بره‌ڤن و چما دره‌ڤن؟
هه‌لبه‌ت ئێك ژ سه‌ده‌مێن كۆچكرنا مرۆڤان ژ رۆژهه‌لاتا ناڤین، نه‌بوونا ئارامی و ئاشتیێ دنێڤبه‌را پێكهاته‌یێن سه‌ره‌كی دایه ل ڤێ هه‌رێمێ ژ جیهانێ، لێ كوردێن رۆژئاڤایێ كوردستانێ نه ته‌نێ ژ به‌ر جه‌نگێ دره‌ڤن، نه‌خێر ژبه‌ر كو ئه‌و هه‌ست ناكن خوه‌دی وه‌لاتن دره‌ڤن، نه‌مازه ده‌ما ئه‌م ته‌ماشه كن بێ چاوا كورد تێكۆشینێ دكن؟ كورد وه‌ك پارتی و لایه‌نێن سیاسینه ل سه‌ر ئێك گۆتن و هه‌لوێستێ نه ژبۆ مافێن گشتی یێن كوردان، خه‌باتا خوه دكن.
نه‌خاسمه د وارێ هێزا له‌شكری ده كو دكه‌ڤه بن خزمه‌تا پاتیێن سیاسی ده، ژ پێڤ فكر و رامانێن هن لاینێن سیاسی پێڤه قه‌بوول ناكه!.
راسته ئه‌ڤ نه ئێكه‌م جاره كو كورد ژ برچینا و سه‌رماچیێ دمرن، ئه‌ڤ چیرۆكه‌كی دو درێژ و دیرۆكییه. ژ كیمیابارنێ، ئه‌نفال بگره هه‌تا ب ژاركرنا نانێ په‌نابه‌رێن كورد ل كامپێن باكۆرێ كوردستانێ د سالێن 1992 دا، تا كاره‌ستا مرۆڤی ل شه‌نگال و كۆبانێ، ئه‌ڤ هه‌موو زنجیره‌كه ژ ئێش و ئازه‌ریێن كوردانه.. . لێ ئایا چما ل مه وه‌تێ؟! و هه‌تا كه‌نگی وێ ره‌نگێ ڤێ زنجیرێ بێ گوهارتن؟
هه‌لبه‌ت وێ گه‌له‌ك بێژن ئه‌ڤ كارێ دوژمنێن كوردانه و ده‌وله‌تێن سه‌رده‌ست وان ل مه كرن. . ئه‌ڤ گۆتن راسته لێ ئایا چما كورد نه سه‌رده‌ستن؟. . گه‌ره‌ك ئه‌م ل ڤێ راستیێ موكورێن كو ئه‌م هینا وه‌ك مله‌ت نه‌هاتنه دیاركرن، لێ ئه‌م هه‌ولدانێن به‌رده‌وام دكن دا كو ئه‌م ژی مینا مله‌تێن جیهانێ و مله‌تێن هاوێردۆر بێن ناسین.. ئه‌و مله‌تێن كو چه‌ند سمبوله‌كی یه‌كگرتی هه‌نه(یه‌ك ئال، زمان ، ئه‌لفه‌بێت و یه‌ك ناڤ بۆ له‌شكران) ئه‌و كاته دبه كو پێلا كۆچبه‌ری و ئاواره‌یێ ل وه‌لاتێ مه راوه‌سته.
هه‌لبه‌ت تراجیدیه‌ك گه‌وره‌یه چیرۆكا كۆچبه‌ر و كۆچبه‌ریا كوردان، لێ د ڤێ كو ئه‌م ل به‌رامبه‌ر ڤێ تراجیدیێ ره‌نگه كێفه‌كێ بئافرینن و نه مینن ئێسیرێ بیرۆكا كو كه‌سی مه نینه هه‌ڤال ژ بلی چیا!!
ئه‌ڤ فه‌لسه‌فه و بیرۆك یا كو دبه كو ئێك ژ سه‌ده‌مێن ئاسێبوونا كوردێن ئێزدی ل شاخی شه‌نگال ده‌بوو!!
ژبۆ ئه‌ڤ چیرۆكا تراجیدی ب داوی وه‌ره، وه‌لاتێ مه ببه جێ كو مرۆڤ خوه لێ بگرن نه ژێ بره‌ڤن، ئێكه‌م فاكته‌ر ئه‌وه كو ئه‌م مینا مله‌ته‌كی ل سه‌ر چه‌ند خالێن سه‌ره‌كه ل هه‌ڤبكن، نه‌خاسم د وارێ(زمان و له‌شكران) و تشتن دن.
كوردستان خوه‌دان جوانترین جوگرافیه و ل رءژهه‌لاتا ناڤین دا ئه‌گه‌را وه‌لاتێ مه هه‌یه كو ببه بووك، به‌لام د ڤێ پێشی ئه‌م جلێ مێر و هشكبوونا شاخ بكن نه‌رمیا جوانه ژنه‌كێ دا كو ئه‌م ژێ نه‌ره‌ڤن و ئه‌م و كه‌سێن بیانی ژی خوه لێبگرن ژ نها پێتر.
