ب ھاتنا ڤی یاریزانی دێ مەترسی کەڤتە سەر ڤی ستێرا ریال مەدرید
ئەڤرۆ نیوز:
یانا ریال مەدرید بریارا مانا ستێرا خوە یا بەرازیلی مارسێلوی کریە د دەستێ ئەوی یاریزانی دا پشتی ئەو یانە نێزیکی ئیمزاکرنا ھەڤبەستا یاریزانێ فرەنسی و یانا لیون مێندی بووی .
رۆژناما مارکا ئیسپانی دیارکریە چاڤەرێ دھێتەکرن ل چەند رۆژێن بھێت یانا ریال مەدرید ھەڤبەستێ ل گەل بەرەڤانێ لایێ چەپێ یێ یانا لیون یا فرەنسی مێندی بەرامبەر کوژمێ ٥٠ ملیون یوریا ئیمزا بکەت و ل دیڤ گوتنا ئەوی رۆژنامێ ب ھاتنا مێندی دبیت ب رێژەیا ھەرە مەزن مارسێلو بیتە ھەلبژارتنا دوێ یا یانا ریال مەدرید وەکو پێکھاتیێ سەرەکی .
ئەوێ رۆژنامێ ئاشکراکریە ژی کارگێریا یانا ریال مەدرید مارسێلو ئاگاداکریە ئەو د بریارا مانا خوە دا یێ ئازادە بمینت یان نە لێ ریال ناخوازیت ئەو یاریزان بمیت ژبەرکو دخوازیت ل ھاڤینا ئەڤ سالە ئەوی یاریزانی بفروشن داکو ب کوژمێ ڤەگوھاستنا ئەوی یا مفاداربیت .
ھەردیسان ئەوێ رۆژنامێ ئاشکراکریە چارەنڤیسێ ریگولین ب مان و چونا مارسێلوی ڤە یا گرێدایە کو ھەر دەمێ مارسێلوی بریارا مانا خوە دا وی دەمی یانا ریال دێ نەچار بیت دەستا ژ ریگولین بەردەت و ھەکە وی یاریزانێ بەرازیلی بریارا چونا خوە دا وی دەمی ریگولین وەکو پێگوھورێ مێندی مینت.
فێرلاند مێندی ل وەرزێ ئەڤ سالە پشکداری د ٤٤ یاریان دا کربوو ل گەل یانا لیون کو ٣٠ ژ ئەوان خولا فرەنسا دا بوون و ھەشت د قارەمانیا چامپیونیز لیگ و شەش یاریان د کاسا فرەنسا دا
