ریال مەدرید گەھشتە رێککەفتنێ ل گەل یاریزانێ پێنجێ
ئەڤرۆ نیوز:
یانا ریال مەدرید یا بەردەوامە ل سەر ئینانا یاریزانێن نوو بۆ ناڤ رێزێن پێکھاتیێ خوە بۆ وەرزێ نوو پشتی ل وەرزێ بوری نەشیای ئاستەکێ باش پێشکێش بکەت دەنگوباس ھەموو وەسا دیاردکەن یانا ریال مەدرید گەلەک نێزیکی ئیمزاکرنا ھەڤبەستا پێنجێ بوویە ل ڤەگوھاستنێن ھاڤینا ئەڤ سالە.
راھێنەرێ ھەلبژارتیێ فرەنسا دیدیەر دیشھامپ د گونگرێ رۆژنامەڤانی یێ بەری یاریا ئەڤرۆ یا ھەلبژارتیێ فرەنسا ل گەل ئەندورا راگەھاند یاریزانێ ھەلبژارتیێ فرەنسا مێندی دێ ل وەرزێ بھێت بۆ یانا ریال مەدرید کەت و وەسا دبینت ھەلبژارتنا ئەوی بۆ یانا ریال مەدرید ھەلبژارتنەکا گەلەک سەرکەفتی یە ژبەرکو دێ شێت ئاستێ خوە ل گەل وێ یانا ئیسپانی ب شێوەیەکێ گەلەک باشتر پێشئێخیت .
ھەردیسان ناڤبری دیارکر ژی بەری دو سالان مێندی یاری دخۆلا پلا دو یا فرەنسا دا کر و نوکە دێ بیتە یاریزانێ ئێک ژ بەرنیاسترین یانێن جیھانێ ئەوژی یانا ریال مەدرید و ئەڤە وێ چەندێ د گەھینت ئەوی یاریزانێ ناڤبری شیانێن مەزن ھەنە.
ژلایەکێ دیڤە چەند رۆژنامەیێن نێزیکی یانا ریال مەدرید ئاشکراکریە چاڤەرێ دھێتەکرن ل ماوێ چەند رۆژێن بھێت ھەڤبەستا مێندی ب فەرمی ژلایێ یانا ریال مەدرید ڤە بھێتە راگەھاندن پشتی ھەردو یانێن ریال و لیون گەھشتی نە رێککەفتنێ ل سەر ڤەگوھاستنا وی یاریزانێ ناڤبری بەرامبەر کوژمێ ٥٠ ملیون یورۆیان.
