راموس نمرەکا نوو د مێژویا ئیسپانیا دا تومارکر
ئەڤرۆ نیوز:
بەرەڤانێ ھەلبژارتیێ فرەنسا و یانا ریال مەدرید سێرجیو راموس شیا نمرەکا مێژوی ل گەل ھەلبژارتیێ وەلاتێ خوە توماربکەت پشتی شیای گولەکێ ل شەڤا بوری ل سەر ھەلبژارتیێ سوید توماربکەت د وێ یاریێ دا ئەوا ل شەڤا بوری ھەلبژارتیێ ئیسپانیا شیای سەرکەفتنێ توماربکەت ب سێ گولان بێ بەرامبەر ژ چارچوڤێ ڤاڤارتنێن دەربازبوونێ بۆ یورۆیا ٢٠٢٠.
مالپەرێ ئوپتا یێ تایبەت ب ئامارێن یاریزانان ڤە ئاشکراکر راموس شیا ھژمارا گولێن خوە یێن نیڤدەولی ب گەھینتە ٢٠ گولان ل گەل ھەلبژارتیێ ئیسپانیا پشتی ل شەڤا بوری شیای گولا ئێکێ بۆ ھەلبژارتیێ خوە ل سەر ھەلبژارتیێ سوید ب لێدانا پەنەلتیێ توماربکەت .
ئەوی مالپەری ئەو چەندە ژی دیارکر بتنێ دو بەرەڤان د مێژویا ھەلبژارتیێ ئیسپانیا دا شیاینە ھژمارا گولێن خوە ب گەھینە ٢٠ گولان کو یاریزانێ بەرێ یێ یانا ریال مەدرید و ھەلبژارتیێ ئیسپانیا فێرناندو ھیرو ل رێزا ئێکێ دھێت ب تومارکرنا ٢٩ گولان و راموس ل رێزا دوێ ب ٢٠ گولان ھەردیسان راموس بوو یاریزانێ ١٢ د مێژویا ھەلبژارتیێ وەلاتێ خوە دا بشێت ھژمارا گولێن خوە ب گەھینتە ٢٠ گولان.
ھەژی گوتنێ یە سێرجیو راموس ب تومارکرنا گولا شەڤا بوری ل سەر سوید شیا ھژمارا گولێن خوە ب گەھینتە ١٠٩ گولان د مێژویا کرنا وی یا یاریێ دا وەکو یاریزانێ پیشەکار ھەر ژ سالا ٢٠٠٥ وەرە.