لوکاکو رازی بوو ل سەر ئیمزاکرنا ھەڤبەستا ڤێ یانا ئیتالی
ئەڤرۆ نیوز:
ھێرشبەرێ ھەلبژارتیێ بەلجیکا و یانا مانچێستەر یوناید یا ئنگلیزی رومیلو لوکاکو رازی بوو ل سەر ڤەگوھاستنا خوە بۆ یانا ئەنتر میلان ل ڤەگوھاستنێن ھاڤینا ئەڤ سالە پشتی وێ یانا ئیتالی ب فەرمی داخوازی ژ ئەوی یاریزانی کری ل سەر داخوازیا راھێنەرێ یانا ئەنتر یێ نوو ئەنتونیو کونتی.
مالپەرێ کاتشیو مێرکاتو یێ ئیتالی دیارکریە لوکاکو رازی بوویە ل سەر ڤەگوھاستنا خوە بۆ یانا ئەنتر میلان ھەتا سالا ٢٠٢٤ ب موچەیەکێ سالانە ٦.٦ ملیون جێنێ ئێسترلینی .
زێدەتر ئەوی مالپەری دیارکریە ژی ھەتا نوکە دانوستاندن ل گەل بەرپرسێن ھەردو یانێن ئەنتر میلان و مانچێستەر یوناید د بەردەوامن بۆ ڤەگوھاستنا ئەوی یاریزانی کو یانا ئنگلیزی داخوازیا ٦٢ ملیون جێنێ ئێسترلینی ژ یانا ئەنتر کریە لێ یانا ئەنتر کوژمەکێ کێمتر دایە یانا مان یوناید و وەسا دھێتە چاڤەرێکرن مان یوناید ل سەر فروتنا وی ھێرشبەرێ خوە رازی بیت ژبەرکو نوکە لوکاکو ھەلبژارتنا دوێ یە ل پێکھاتیێ سەرەکی یێ راھێنەرێ مانچێستەر یوناید.