ریال مەدرید نێزیکی ئیمزاکرنا ھەڤبەستا ڤی ستێرا خۆلا ئنگلتەرا بوویە
لێگەریانا خانیەکێ نوو دکەت ل مەدرید
ئەڤرۆ نیوز:
پشتی یانا ریال مەدرید نەشیای شیانێن یاریزانێ فرەنسی و یانا مانچێستەر یوناید پول پوکپا ب دەستخوڤە بینت نوکە یا لێگەریانا یاریزانەکێ دی دکەت ل جھێ ئەوی یاریزانی و رۆژنامەیەکا ئیسپانی ئەڤرۆ وەسا دایە دیارکرن ستێرەکا خۆلا ئنگلتەرا نوکە ل مەدرید و لێگەریانا خانیەکێ نوو دکەت .
رۆژناما سپورت یا کەتەلونی دیارکریە ستێرا یانا توتنھام و ھەلبژارتیێ دانیمارک کریستیان ئاریکسن نێزیکی ئیمزاکرنا ھەڤبەستا ریال مەدرید بوویە تایبەت پشتی ئەو یانا مەلەکی نەشیای شیانێن پوکپای ب دەستخوڤە بینت و بەربژارێ دوێ یێ یانا ریال ئاریکسنێ دانیمارکی یە .
ئەوێ رۆژنامێ دیارکریە ژی یانا توتنھام رازی بوویە ئەوی یاریزانێ خوە بفروشیت ژبەرکو ھەڤبەستا ئەوی یاریزانی دێ ل ھاڤینا ٢٠٢٠ ب دووماھیی ھێت و بەرپرسێن وێ یانێ داخوازیا ١٠٠ ملیون یورۆیا دکەن بوو دەست بەردانا وی یاریزانێ خوە یێ دانیمارکی .
